Genting Highlands

Genting Highlands atau Tanah Tinggi Genting (2000 m di ateh muko lauik) adolah puncak gunuang dari pagunuangan Titiwangsa di Malaysia sarato manjadi tampek resort takana jo namo nan samo. Barado di parbatasan nagara bagian Pahang jo Selangor, tampek ko dapaik dicapai dangan satu jam jo roda ampek dari Kuala Lumpur atau malalui kereta gantung Genting Skyway nan saat ko marupokan nan tacapek di dunia dan tapanjang di Asia Tenggara).

Genting Highlands didirikan oleh Lim Goh Tong dari Fujian, Cina pado awal taun 1960-an. Sajak tu, Genting Highlands bakambang pesat dan manghasilkan parusahaan-parusahaan lainnyo di bawah Genting Bhd, sarupo parusahaan karateh, stasiun pambangkik tanago listrik, parusahaan parkabunan, parumahan, parusahaan minyak, kapal pesiar, dll.

Dikakan sabagai Las Vegas-nyo Malaysia, tampek ko marupokan satu-satunyo tampek bajudi daratan nan legal di Malaysia sarato dioperasikan oleh Genting Malaysia Bhd, anak parusahaan Genting Group atau Genting Bhd. Resort ko mamiliki pulo babarapo hotel yaitu Hotel Genting Grand, Hotel Highlands, Hotel Resort, Hotel Genting SkyWorlds, Awana Genting, dan Hotel First World. Hotel First World mamiliki 6.118 kamar, manjadikannyo hotel kaduo tagadang di dunia saat ko. Fasilitas lainnyo ko adolah theme park, lapangan golf, mall perbelanjaan, simulator sky diving, hall konser dan masih banyak lai

Satiok taunnyo, Genting Highlands manjadi lokasi finish dari pacu sapeda Tour de Langkawi. Etape di siko manjadi etape dangan tanjakan tapanjang (30 km) dalam balap sepeda. Di bawah bukik tadapek kuil Chinese nan dinamokan Kuil Chin Swee dan musajik untuak muslim nan dinamokan Masjid Yayasan Mohammad Noah.

Genting Highlands dipiliah manjadi World's Leading Casino Resort in Nov 2005 oleh World Travel Awards.

Cuaco di Genting Highlands relatif sajuak dangan temperatur indak labiah dari 30 °C dan jarang turun di bawah 15 °C satiok taunnyo.

Ado kategori tantang Genting Highlands di Wikimedia Commons

• situs resmi Genting Highlands Archived 2007-04-27 di Wayback Machine.
• Malaysia Travel Guide: Genting Highlands Archived 2007-09-27 di Wayback Machine.
• Genting Highlands Information Archived 2022-12-04 di Wayback Machine.
• Genting Highlands Casino and Theme Park Archived 2007-02-24 di Wayback Machine.
• Genting Highlands Experience Archived 2022-06-11 di Wayback Machine.