Kabupaten Lima Puluh Kota

Manuruik tukang kaba, dalam sabuah tambo Minangkabau daulunyo ado sabuah Karajaan Pariangan nan dipimpin dek Datuak Bandaro Kayo. Liau mamiliki sudaro saayah banamo Datuak Katumangguangan jo Datuak Parpatiah nan Sabatang. Suatu hari kaduo sudaro ko basuo Datuak Bandaryo Kayo untuak marundiangkan masalah padeknyo panduduak di karajaan itu. Dalam parundiangan itu basupakaiklah untuak mamindahan sabagian panduduak ka daerah pamukiman baru. Salapeh mangatahui daerah-daerah nan ka dijadian pamukiman baru, mulolah pamindahan sabagian panduduak ka tigo arah iyolah Utara, Barat, jo Timur. Daerah pamukiman baru di sabalah barat dinamoan Luhak Agam, daerah nan di timur dinamoan Luhak Tanah Data, sadangkan Datuak Sri Marajo Nan Bamego mamimpin 50 kaum manuju ka arah utara (daerah Payakumbuh-Limopuluah Koto kini). Tampek ko kudian tanamo jo namo Luhak Limo Puluah nan dalam pakambangannyo manjadi Kabupaten Lima Puluh Kota. Untuak dikana-kana sijarah asa usua namo kabupaten ko, kudian dicantuman angko 50 pado lambang daerahnyo.^[6]

Di mudiak nagari Mahat (Maek), kecamatan Suliki Gunung Mas, banyak basuo paninggalan kabudayaan megalitikum. Di nagari ko dapek dicaliak pamandangan kumpulan batu-batu menhir jo lata balakang parak gambia nan manyarupoi panorama parak teh di daerah Puncak, Jawa Barat, Karano pamandangan ikolah, pado taun 1981 nagari Maek dimasuak dalam salah satu objek wisata dari 73 objek wisata di kabupaten ko.

Manuruik sabagian sijarawan, Minanga Tamwan barado di hulu sungai Kampar nan ado di sabalah timur kabupaten ko. Daerah ko tacantum dalam Batu Basurek Kedukan Bukit sabagai daerah asa Dapunta Hyang Sri Jayanasa, pandiri Karajaan Sriwijaya. Dalam batu basurek tu Dapunta Hyang mambaok 20.000 tantara sarato mambaok duo ratuih peti balayia jo parahu, sadang nan bajalan kaki sabanyak saribu tigo ratuih duo baleh urang. Tambo Minangkabau mancataik baso Dapunta Hyang turun dari Gunuang Marapi ka Minanga Tamwan jo katurunannyo malawehan rantau ka selatan Sumatera.^[7] Minanga Tamwan atau Minanga Kabwa dipakirokan marupokan asa usua namo Minangkabau.

Manuruik sidang paripurna DPRD Kabupaten Lima Puluh Kota ditetapkanlah Peraturan Daerah Nomor 11 Tantang Hari Jadi Kabupaten Lima Puluh Kota, tertanggal 26 November 2008, manyabuikan tanggal 13 April subagai hari jadinyo. Hal itu dek karano pado zaman Ulando wilayah Luhak Limo Puluah sacaro yuridis ado dalam wilayah Afdeeling Lima Puluh Kota nan panatapannya dilakukan pado tanggal 13 April 1841. Wakatu tu dikaluakannyo Besluit No 1 tantang reorganisasi pamarintahan Sumatras Westkust nan isinyo mambantuak 9 Afdeelingen, nan salah satunyo Afdeeling Lima Puluh Kota.

Afdeeling Lima Puluh Kota wakatu itu wilayahnya malingkupi indak hanyo Luhak Limo Puluah Kota sajo, tapi mambantang inggo ka Halaban, Lintau Buo, Koto Tujuah, jo XIII Koto. Sainggo kaputusan ko manjadi titiak awa bamulonyo administrasi pamarintahan di wilayah ko, nan kudian maalami babarapo kali reorganisasi.

Reorganisasi kaduo dilaksanokan pado tanggal 1 Januari 1865 dimano Afdeeling Lima Puluh Kota jo ibukotanyo Payokumbuah, tadiri dari duo Districten/Onderafdeelingen, yaitu: Payokumbuah (ibu kota Payokumbuah) jo Pua Data (ibukota Suliki, kini bagian dari kecamatan Gunuang Omeh). Reorganisasi katigo dilakukan pado tanggal 1 Januari 1905 dalam Staatsblad van Nederlandsch Indie No 418 dijalehan baso Afdeeling Lima Puluh Kota tadiri dari 3 Onderafdeeling, yaitu: Payokumbuah, Pua Data, sarato Mahat jo Boven Kampar (kini Kabupaten Kampar).

Afdeling Lima Puluh Kota ko balanjuik inggo zaman Japang nan banamo Lima Puluh Kota Bun, dan balanjuik pado awa kamardekaan tanggal 8 Oktober 1945 jo namo Luhak Limo Puluah Koto, dan kudian tajadi babarapo kali pakambangan pado taun 1948. Pado taun 1956 tajadi pamisahan Bangkinang dari Limo Puluah Kota nan manjadi Kabupaten Kampar, Riau, sarato pamekaran jo pambantuakan Kota Payokumbuah pado Desember 1970.^[8]

 

 Artikel utamo untuak bagian ko adolah: Daftar Bupati Lima Puluh Kota

No	Bupati[9]			Mulai Jabatan	Akhia Jabatan	Prd.	Ket.	Wakil Bupati
1			Syahfiri Sutan Pangeran (Kapalo Luhak)	8 Oktober 1945	23 Januari 1946	1	[Ket. 1]
2			Bagindo Moerad (Wali Luhak)	23 Januari 1946	1947	2
3			Alifuddin	1947	1948	3
4			Arisun St. Alamsyah	1948	15 Januari 1949	4	[Ket. 2]
5			Saalah Sutan Mangkuto	18 Februari 1949	1949	5
6			Sultani Sutan Malako	1950	1950	6
7			H. Darwis Dt. Tumangguang	1950	1956	7
8			Syahboedin Latif Dt. Si Bungsu	1956	1957	8
9			Akhmad Khatib	1957	1957	9
10			Anwar Dt. Majo Basa Nan Kuniang	1957	1958	10
11			Zainal Abidin St. Sarinado	1958	1959	11
12			Inspektur Pol. S.M. Djoko	1960	1961	12
13			Letkol. Inf. Slamet Suhindrio	1961	1967	13
14			Kol. Inf. A. Syahdin Dt. Bandaro	1967	1973	14
-			Drs. Saruji Ismail	1973	1974	-	[Ket. 3]
15			Kol. Inf. H. Burhanuddin Putih	1975	1980	15
				1980	1985	16
16			Kol. CZI Djofri	1985	1990	17
17			Drs. H. Aziz Haily M.A.	1990	1995	18
				1995	2000	19
18			dr. Alis Marajo Dt. Sori Marajo	Juni 2000	Juni 2005	20		Amri Darwis
-			Drs. H. Basril Thaher	Juni 2005	Agustus 2005	-	[Ket. 4]
19			Drs. H. Amri Darwis S.A.	Agustus 2005	Agustus 2010	21		Irfendi Arbi
-			Drs. Syafrial	Agustus 2010	November 2010	-	[Ket. 5]
20			dr. Alis Marajo Dt. Sori Marajo	11 November 2010	11 November 2015	22		Asyirwan Yunus
-			H. Yendri Tomas S.E., M.M.	11 November 2015	26 Januari 2016	-	[Ket. 6][10]
				26 Januari 2016	17 Februari 2016	-	[Ket. 7][11]
21			Ir. Irfendi Arbi M.P.	17 Februari 2016	17 Februari 2021	23		Ferizal Ridwan
-			Widya Putra S.Sos., M.Si.	17 Februari 2021	26 Februari 2021	-	[Ket. 8][12]
22			Safaruddin Datuak Bandaro Rajo S.H.	26 Februari 2021	Petahana	24	[13]	Rizki Kurniawan Nakasri
Catatan ↑ Palaksanaan harian dijabaik samantaro oleh Dr. Adnan W.D. ↑ Maningga dunia katiko manjabaik ↑ Pajabaik Samantaro Bupati Lima Puluh Kota ↑ Palaksana Harian Bupati Lima Puluh Kota ↑ Panjabaik Bupati Lima Puluh Kota ↑ Palaksana Harian Bupati Lima Puluh Kota ↑ Panjabaik Bupati Lima Puluh Kota ↑ Palaksana Harian Bupati Lima Puluh Kota

 Artikel utamo untuak bagian ko adolah: Dewan Perwakilan Rakyat Daerah Kabupaten Lima Puluh Kota

Barikuik iko adolah komposisi anggota DPRD Kabupaten Lima Puluh Kota dalam duo periode tarakhia.^[14][15]

Partai Politik	Jumlah Kursi dalam Periode
	2014-2019	2019-2024
PKB	2	2
Gerindra	5	▲ 6
PDI Perjuangan	2	2
Golkar	6	▼ 5
NasDem	0	▲ 1
PKS	2	▲ 4
PPP	4	▼ 3
PAN	3	3
Hanura	4	4
Demokrat	5	5
PBB	2	▼ 0
Jumlah Anggota	35	35
Jumlah Partai	10	10

 Artikel utamo untuak bagian ko adolah: Daftar kecamatan dan kelurahan di Kabupaten Lima Puluh Kota

Kabupaten Lima Puluh Kota mampunyoi 13 kecamatan jo 79 nagari. Laweh wilayahnyo mancapai 3.571,14 km² dan panduduak 374.067 jiwa (2017) jo sebaran 105 jiwa/km².^[16][17]

Daftar kecamatan jo nagari di Kabupaten Lima Puluh Kota, adolah sabagai barikuik:

Panduduak Kabupaten Lima Puluh Kota manuruik Sensus Panduduak Taun 2010, bajumlah 348.555 jiwa nan tadiri ateh 172.571 Laki-Laki dan 175.984 Padusi. Kabupaten Lima Puluh Kota mamiliki panduduak sapadek 98 jiwa per km², jo patumbuahan panduduak dari taun ka taun sakitar 1,11 persen per tahun.

• Sijobang

1. Kawasan Megalit Belubus
2. Kawasan Megalit Maek
3. Situs Cagar Budaya PDRI Kototinggi

1. Lambah Harau
2. Kolam Ranang / Pamandian Batang Tabik
3. Panorama Selat Malaka
4. Danau Buatan (Waduk) PLTA Koto Panjang
5. Kapalo Banda Taram
6. BPTU Padang Mangateh

•  
  Lambah Harau
•  
  Kelok Sambilan
•  
  BPTU Padang Mangateh