Venosy (andriamanibavy)

I Venosy no andriamanibavin' ny fitiavana sy ny fandria-malemy lafika ary ny hatsaran-tarehin' ny vehivavy tao amin' ny fedrà rômana. Efa ela izy no nampitovina amin' ny andriamanibavy grika Afrôdita. Tany am-boalohany i Venosy dia nanana ny mampivaka azy manokana, fa taorian' io fampitoviana io, izay hita ny soritra voalohany tamin' ny taonjato faha-2 tal. J.K., dia lasa andriamanibavin' ny hatsaran-tarehy i Venosy. Atao hoe Venus izy amin' ny teny latina. Zanakavavin' i Gaia (Γαῖα / Gaîa) sy Oranôsy (Οὐρανός / Ouranós) i Venôsy izay renin' i Hermapfrôditôsy (Ἑρμαφρόδιτος / Hermaphróditos) sy i Kopidôna (Cupido, andriamanitry ny fitiavana) izy.

Sarivongan' i Afrôdita, fantatra amin' ny anarana hoe *Venosin' i Arles*. sangan' asa rômana tamin' ny andron' ny emperora Aogosto (fararan' ny taonjato voalohany tal. J.K.), angamba dika mitovin' ny *Afrôditan' i Thespies* nataon' i Praxiteles. Ny paoma sy ny fitaratra dia fanampiny natao tamin' ny taonjato faha-17. Hita tamin' ny taona 1651 tao amin' ny teatra tranainy tao Arles, Frantsa.

Ao amin' ny fitantaràm-pananganana rômana, ary indrindra ao amin' ny Aeneis nosoratan' i Vergilio (Vergilius), i Venosy no renin' ilay maherifo trôiana atao hoe Eneasa (grika: Αἰνείας / Aineías, latina: Aeneas). Mitondra fandresena izy. Ny fifandraisany amin' ny angano momba an' i Eneasa dia manamafy ny maha andriamani-pirenena azy ary voafidy ho mpiaro ny mpitondra fanjakana lehibe tamin' ny faran' ny Repôblika.

Nanombola tamin' ny Renaissance, ny lohahevitra momba an' i Venosy dia tena tian' ny mpanao hosodoko sy mpanao sary sokitra izay naka antsipirian-javatra maro tamin' ny angano momba an' i Afrôdita.

Jereo koa

Venosy (planeta)