Jôela

I Jôela na Jôely dia iray mpaminanin' i Israely izay resahina ao amin' ny Baiboly. Nonina tao amin' ny fokon' i Jodà izy ka mety ho anisan' io foko io. Jiosy velona taorian' ny Fahababoana tany Babilôna izy ka mety anisan' ny mpisorona jiosy sady tao amin' ny mpanaraka ny fampianaran' i Ezekiela. Izy no voalazan' ny lovantsofina jiosy fa nanoratra ny Bokin' i Jôela.

Amin' ny teny hebreo dia atao hoe יוֹאֵל / Yōʾēl, izay midika hoe "Yo dia Andriamanitra", i Jôela na Jôely. Ny hoe Yo dia fanafohezana ny hoe Yahweh.

• Mpaminany lehibe: Isaia na Izaia - Jeremia - Ezekiela - Daniela na Daniely

• Mpaminany madinika: Hôsea na Ôsea - Jôela na Jôely - Amôsa na Amôsy - Ôbadia na Abdiasa - Jônà na Jônasa - Mika na Mikea - Nahoma - Habakoka - Zefania na Sôfônia - Hagay na Akjea - Zakaria - Malakia.

• Mpaminanin' ny jodaisma
• Mpaminanin' ny kristianisma