Afrika

Afrika is nao Azië t grootste kontinent ter wereld, in oppervlakte mar oek in bevolking. t Beslaot zo'n 30.244.050 vierkante kilometer (vasteland en eilanden samen), wat 20,3% van de totaole landoppervlakte van de eerde is. Der woenen meer n miljard minsen - oengeveer één zeuvende van de wereldbevolking.

Zwat heel Afrika beheurt tot de Darde Wereld. Partie minsen rekenen t hele kontinent hiertoe, are luui alleen de landen ten zujen van de Sahara, behalve Zuud-Afrika.

De naam Africa was in de Oudheid eerst veurbehouwen an t gebied waor noen Tunesië leit. Laoter worde de hele kuststrook Africa eneumd en in de tied van de ontdekkingsreizen worde t hele kontinent hiermee an-eduud.

De naam Afrika zou Berberse of Fenisiese ofkomst wezen. In de oudheid woenden verschillende Noord-Afrikaanse stammen in grotten, t zogenaamde 'Afer'-volk. Volgens de meeste geschiedkundigen het disse bevolkingsgroep zien naam egeuven an t werelddeel. De meest aksepteerde theorie is dat de naam van t Berberse ifri (meervoud: ifran, "grotten") komt en verlatienst is naor afri. De term is in verschillende Berberse plaots- en stamnamen weer te vienen. n Are meugelikheid is dat de naam komt van t Fenisiese afar, wat stof betekent.

Afrika bestaot uut 54 onofhankelike staoten en n paor niet-onofhankelike gebiejen.

Onofhankelike landen

Algarije – Angola – Benin – Botswana – Burkina Faso – Burundi – Sentraol-Afrikaanse Rippubliek – Komoren¹ – Kongo-Brazzaville – Kongo-Kinsjasa – Djibouti – Egypte* – Equatoriaol-Guinea – Eritrea – Ethiopië – Eswatini – Gabon – Gambia – Ghana – Guinee – Guinee-Bissau – Ivoorkust – Kaapverdië¹ – Kameroen – Kenia – Lesotho – Liberië – Libië – Madagaskar¹ – Malawi – Mali – Marokko – Mauritanië – Maurisius¹ – Mozambiek – Namibië – Niger – Nigeria – Oeganda – Rwanda – São Tomé en Príncipe¹ – Senegal – Seychellen¹ – Sierra Leone – Soedan – Somalië – Tanzania – Togo – Tsjaad – Tunesië – Zambia – Zimbabwe – Zuud-Afrika – Zuudsoedan

Niet-onofhankelike gebiejen

Bassas da India¹ – Ceuta – Europa¹ – Glorieuzen¹ – Juan de Nova¹ – Kanariese Eilanden¹ - Madeira¹ – Mayotte¹ – Melilla – Réunion¹ – Tromelin¹

Gebiejen mit betwiste staotus / bezette gebiejen

Somaliland – Westelike Sahara

¹ Hoewel disse eilanden niet op de Afrikaanse kontinentaole plaot liggen, worren ze gewoonlik toch tot Afrika erekend.

Opmarking:

• Egypte kan staotkundig ezien bie Afrika erekend worren, mar oek bie Azië, umdat t in beie werelddelen leit.

Dit artikel is eskreaven in et westveluwske dialekt van Putten, in de Algemene Nedersaksiese Schriefwieze.