Jet Propulsion Laboratory
|
|
Chest artícol a l'è scricc in Lumbàrt, ortograféa orientàl unificàda. |
 |
El Jet Propulsion Laboratory (JPL segónt la sìgla en inglés, Laboratorio de Prupulsiù a Gèt), übicàt a La Cañada Flintridge (arènt a Los Angeles) e a Pasadena, California, Stati Ünìcc, l'è 'n laboratóre endóche se fà sö e se contròla sónde spasiàle sènsa equipàgio per cönt de la NASA.
El JPL l'è 'n cèntro de resérca e svelöp finansiàt a leèl federàl, aministràt e gestìt del California Institute of Technology sóta contràt co la NASA. 'Ntra i progècc del JPL, i piö cunisìcc i è la misiù Galileo söl pianeta Giove e i rovers che gh'è dré a esplorà Marte, come el Pathfinder (1997) e la misiù Mars Exploration Rovers (custitüìda dei du rovers Opportunity e Spirit) del 2003.
El JPL el g'ha mandàt misiù sènsa equipàgio envers töcc i pianeti de Sistema Solar. En piö, el JPL el g'ha efetuàt operasiù de cartografìa de la Tèra, e 'l gestés la Rét de Spàsio Profónt, co impiàncc endel deserto de Mojave (California), o en Spagna col Madrid Deep Space Communications Complex, o en Australia, arènt a Canberra.