March d'Agraa

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos. Per avè on'ideja di alter vos senza font, vardee chichinscì.

El March d'Agraa (italian: Marco Ferrari d'Agrate; Agraa, 1504 ca. - Milan, 1574 ca.) l'è staa on scultor lombard.
El vegneva de 'na fameja lombarda de scultor, e l'ha lavoraa in tra la Lombardia e l'Emilia. Insema cont el sò fradell Gioann Francesch l'ha faa su el monument al Sforzin Sforza in de la Basilica de Santa Maria de Parma. Poeu l'ha lavoraa a la tomba del Gioann del Cont (finida del Vincenz Seregn) in de la gesa de San Lorenz a Milan.
A bon cunt, la soa oeuvera pussee cognossuda l'è la statoa de San Bartolemee scortegaa: fada in del 1562, la se troeuva in del transett del Domm de Milan, e sotta la gh'ha ona scritta, minga troppa modesta: Non me Praxiteles, sed Marc'finxit Agrat (cioè: "son minga stada fada del Prassitel, ma del March de Agraa").
Inoltra l'ha lavoraa a la facciada de la Certosa de Pavia e ai tomb in de la Capella Trivolz in de la gesa de San Nazar.