Giastemma

Giastemma (da-o lat. tardo blasphēmia, da-o gr. βλασϕημία). Esprescion ingiurioza e inreverente contra Dê, i santi e e cöse sacre.

Sciben che se distingue a blasphemia cordis (de pensceo), operis (conscistente, prez., inte 'n gesto) e oris (verbâ), teologicamente a giastemma, definîa da Sant'Aostin mala verba de Deo dicere, a l'è quella conscistente in paòlle, prononçiæ ò scrite.

Pe-i Ebrei l'ea 'na profanaçion solo che pronunçiâ sença raxon o nomme personâ de Dê, l'"ineffabile" nomme Yahweh,^[1] tanto che into giudaismo posteriô se sostituì stabilmente questo nomme con quello de "Segnô" (adonai).

A giastemma a l'è peccao grave, punîo inte l'Antigo Testamento co-a mòrte pe lapidaçion,^[2] O semplixe «parlâ vañamente», ma sença ingiùia, de Dê, o pœu êse peccao ma o no l'è propriamente «giastemma».

O codiçe de Drito canonnego (can. 1369) o prevedde l’eventualitæ de una «giusta peña» inte di caxi de particolâ gravitæ.

In Italia o Codiçe penâ o prevedde una sançion amministrativa pe chi giastemma pubbricamente, con invettive ò paòlle oltraggiose contra a divinitæ.

O capitan Giastemma o l'è un personaggio do poemetto do Nicolin Baçigalô "O pappagallo de moneghe", inspiao a-o Vert-vert do Gresset:

Tûtt’assemme se sente ûn sacranon

Fâ tremâ tûtta quanta a terrassetta,

E ven sciù giastemmando ûn cagnastron

Despuntou, sensa scarpe, in camixetta,

Ch'o se mette a sbraggiâ — Cös’eì Marinn-a,

Che ve vira pe-a... testa stamattinn-a?

Cöse l’é tanto fô? Voei che ve preghe

Ûn fûlmine de dïo, fæto a cappello?

— Scia-o pigge pe caitæ! — Ma ch'o ve neghe

Cöse l’é? — Sciä no o vedde, o l’é ûn öxello

— E pe ûn öxello eì da fa tanto sciäto?

No n’eì mai mansinou, per Dio S... —

Poi, (m’immagino zà, che avieì capïo

Ch'o l’ëa o famoso Capitan Giastemma)

O ven avanti dando a mente in gïo

C’ûnn-a çerta andatûa proprio malemma,

O vedde o Löro, e o dixe: — Ah sac...!

Te l’arrembo in ta poppa in mæ zûamento.^[3]

1. ↑ Deuteron., V, 11; Ezodo, XX, 7.
2. ↑ Levitico 24, 16
3. ↑ Wikisource - O pappagallo de moneghe - Parte tersa

• Wikimedia Commons a contêgne di files in sce Giastemma

V · D · M Gexa
Crestianêximo	Catoliceximo • Gexe ortodosse orientali • Protestanteximo • Luteraneximo • Calvinismo • Gexe riformæ • Anglicaneximo • Anabattismo • Metodismo • Avventismo • Pentecostalismo • Vâdêximo • Testimòni de Giöva • Vëa Gexa de Gesû • Catari
Stöia	Concilio • Scisma • Riforma protestante (Martin Lutero) • Controriforma • Crociate • Diritto canonico • Monegheximo • Patti Lateranensci
Personn-e	Dê Poæ • Gêxù • Spirito Santo • Apostoli • Vergin Màia • Santi • Poæ da Gexa
Rivelaçion	Teologia • Liturgia • Graçia • Catechismo • Fé • Dexe Comandamenti • Bibbia • Antigo Testamento • Neuvo Testamento • Libbri di Maccabei • Cantego di Canteghi • Qoèlet • Evangêio • Atti di Apòstoli • Apocalisse • Ave Màia • Poae nostro
Gerarchia	Potere temporale • Vatican • Çittæ do Vatican • Monestê • Pàppa • Cardinâle • Vescovo • Sacerdoççio • Cêxîa
Ordini religiôzi	Scolopi •
Peccao	Giastemma
Arte	Acheroppito