[go: up one dir, main page]
More Web Proxy on the site http://driver.im/
Wikipedia

WorldCat

catàlogo bibliogràfico
ZE
 Quésta pàgina a l'é scrîta in zenéize, segóndo a grafîa ofiçiâ

WorldCat o l'é 'n catàlogo ùnico ch'o l'arechéugge e coleçioìn de 15.637 bibliotêche inte 107 stâti[1], pàrte de l'òrganizaçión coperatîva globâle OCLC[2], ch'a-o gestìsce. Ste bibliotêche chi l'àn inandòu insémme a bànca dæti de WorldCat, ch'a l'é a ciù grànde bànca dæti bibliogràfica a-o móndo[3]. A bànca dæti a l'inclùdde âtre vivàgne de informaçioìn ciù che-e coleçioìn de bibliotêche che ghe pìggian pàrte[4]. L'OCLC o l'à mìsso a dispoxiçión WorldCat de bàdda pe-e bibliotêche, ma o catàlogo o l'é a-a bâze de âtri servìççi ascì, in abonaménto, cómme a condivixón de vivàgne e a gestión de coleçioìn. WorldCat o l'é dêuviòu da-i bibliotecâi pi-â catalogaçión e a riçèrca, ciù che da-o pùblico in generâle.

O lögo de WorldCat

Stöia

modìfica

L'OCLC o l'é stæto creòu do 1967, sott'a-a gestión do Fred Kilgour[5]. Into mæximo ànno, l'OCLC o l'à comensòu a svilupâ a tecnologîa do catàlogo ùnico ch'a s'é ciù avànti evolûa in WorldCat; o prìmmo eleménto do catàlogo o gh'é stæto azónto do 1971[5][6].

Do 2003, l'OCLC o l'à inandiòu o progràmma de prêuva "Open WorldCat", creàndo de fórme abreviæ a partî da 'n sotoinsémme de WorldCat disponìbile pe-i scîti d'Internétte e pe.i rivenditoî de lìbbri, de mòddo d'aomentâ l'acescibilitæ de coleçioìn de bibliotêche pàrte do progràmma[7][8].

Into méize d'òtôbre do 2005, o técnichi de l'OCLC àn inandiòu 'n progètto wiki, WikiD, dàndo o permìsso a-i letoî d'azónze di coménti e de informaçioìn drénto a di cànpi struturæ, ligæ a ògni eleménto WorldCat[9]. WikiD o l'é stæto in sciâ fìn scasòu, scibén che WorldCat o l'à dêuviòu i contegnûi creæ da-i uténti inte di âtri mòddi[10][11].

Do 2006 l'é vegnûo poscìbile pe tùtti esplorâ WorldCat diretaménte e de bàdda pe mêzo do seu scîto d'Internétte[12] e no sôlo con l'interfàccia FirstSearch, a pagaménto e svilupâ pe-e bibliotêche abonæ, ch'a l'êa l'ùnica a dispoxiçión in sciâ Ræ scìnn-a quéllo moménto[13]. I fìltri pe-e riçèrche ciù avansæ inte WorldCat, a ògni mòddo, són ancón a dispoxiçión gràçie a l'interfàccia FirstSearch[12].

Do 2007, o WorldCat Identities o l'à comensòu a fornî pàgine pe 20 milioìn de eleménti, che són di metadæti in sce di nómmi; màscime de outoî e de persónn-e che són sogètto de publicaçioìn[14].

Do 2017, l'API WorldCat Search de l'OCLC a l'é stæta integrâ inte l'instruménto de çitaçión do VisualEditor de Wikipedia, fæto ch'o l'à permìsso de çitâ de lengê in sciâ Wikipedia i dæti pigiæ da WorldCat. Da-o 2017, l'OCLC e l'Internet Archive àn travagiòu insémme de mòddo chei i dæti di lìbbri digitalizæ inte l'Internet Archive se poêsan védde da WorldCat ascì[15][16].

Into méize de frevâ do 2021, WorldCat o contêgne ciù de 512 milioìn d'eleménti bibliogràfichi inte 483 léngoe, che raprezéntan ciù de 3 milioìn de vivàgne bibliotecâie fìxiche e digitâli[2], co-a série de dæti de persónn-e in sce WorldCat ch'a l'inclùdde ciù de 100 milioìn de eleménti[17].

Into méize de màzzo do 2022, l'OCLC o l'à anonçiòu o WorldCat Entities, 'na nêuva infrastrutûa pe-i library linked data[18][19], co-a manutençión de WorldCat Identities ch'a l'é stæta de méntre sospéiza, scicómme che sto servìççio chi o saiâ interonpîo perché sostitoîo da WorldCat Entities[20].

Inte l'agósto do 2022, l'OCLC o l'à ativòu 'n scîto WorldCat.org "disegnòu e inmaginòu a nêuvo", co-o fìn diciaròu d'òfrî 'na ciù èrta acescibilitæ a-e coleçioìn[21]. O scîto o l'à comensòu coscì a domandâ l'ûzo de JavaScript e dónca no se ghe peu ciù intrâ da vêgi motoî de riçèrca ò da quélli ch'àn levòu o JavaScript pe raxoìn de seguéssa. L'agiornaménto o l'à levòu ascì e recenscioìn di lìbbri di uténti, cangiæ con quélle de GoodReads, socjêtæ ligâ a Amazon[22].

Architetûa do scistêma

modìfica

I catàloghi locâli de bibliotêche ménbro de l'OCLC són sincronizæ co-a bànca dæti de WorldCat[23]. WorldCat o permétte a-e instituçioìn che ghe pìggian pàrte de azónze di ligàmmi dirètti da WorldCat a-e vôxe do pròpio catàlogo locâle pe di artìcoli particolæ, coscì che l'uténte o peu sciacâ in sciô catàlogo locâle pe descrovî a-a spedîa o stâto in ténpo reâ de 'n artìcolo (prezénpio se o l'é seleçionòu ò mêno)[24].

Inte 'na porçión picìnn-a de bibliotêche[25] l'é gestîo da l'OCLC o catàlogo locâle ascì, dêuviàndo 'n scistêma bibliotecâio integròu ciamòu WorldCat Discovery e WorldShare Management Services[26].

I contribûti de bibliotêche a WorldCat són fornîi dêuviàndo progràmma informàtico Connexion[27], introdûto do 2001; o seu predecesô, OCLC Passport, o l'é stæto de manimàn abandonòu into méize de màzzo do 2005[28]. I bibliotecâi che són aprêuvo a catalogâ di eleménti pêuan dêuviâ o WorldShare Record Manager[29] ò o WorldCat Metadata API[30] ascì, pe di fìn scìmili[31].

Nòtte

modìfica
  1. ↑ (EN, DE, ES, FR, NL, ZH) About OCLC, in sce oclc.org. URL consultòu o 29 òtôbre 2024.
  2. ↑ 2,0 2,1 (EN, DE, ES, FR, NL, ZH) Inside WorldCat, in sce oclc.org. URL consultòu o 29 òtôbre 2024.
  3. ↑ (EN) Godfrey Oswald, Largest unified international library catalog, in Library World Records, 3ª ed., Jefferson (NC), McFarland, 2017, p. 291, ISBN 1-476-62772-X.
  4. ↑ (EN) Content available through WorldCat Discovery (XLS), in sce oclc.org. URL consultòu o 29 òtôbre 2024.
  5. ↑ 5,0 5,1 (EN) Margalit Fox, Frederick G. Kilgour, Innovative Librarian, Dies at 92, The New York Times, 2 agòsto 2006. URL consultòu o 29 òtôbre 2024.

    «Frederick G. Kilgour, a distinguished librarian who nearly 40 years ago transformed a consortium of Ohio libraries into what is now the largest library cooperative in the world, making the catalogs of thousands of libraries around the globe instantly accessible to far-flung patrons, died on Monday in Chapel Hill, N.C. He was 92»

  6. ↑ (EN) A brief history of WorldCat, in sce oclc.org, 10 frevâ 2015. URL consultòu o 29 òtôbre 2024.
  7. ↑ (EN) Nancy O'Neill, Open WorldCat Pilot: A User's Perspective (abstract), in Searcher, vol. 12, n. 10, Novénbre/Dexénbre 2004, pp. 54-60.
  8. ↑ (EN) Barbara Quint, OCLC Project Opens WorldCat Records to Google, in sce newsbreaks.infotoday.com, 27 òtôbre 2003. URL consultòu o 29 òtôbre 2024.
  9. ↑ (EN) WikiD, in sce oclc.org. URL consultòu o 29 òtôbre 2024.
  10. ↑ (EN) Tom Storey, A WorldCat community: using WorldCat.org to build a social network of the world's library users (PDF), in NextSpace, vol. 7, OCLC, Seténbre 2007, pp. 16-17.

    «Online ratings, tags, reviews, recommendations, lists, rankings, personal profiles - the social media revolution is here. It seems the world has exploded with Web 2.0, social networking tools and sites»

  11. ↑ (EN) John Carlo Bertot, Katy Berube, Peter Devereaux, Kerry Dhakal, Stephen Powers e Jennie Ray, Assessing the usability of WorldCat Local: findings and considerations (abstract), in The Library Quarterly, vol. 82, n. 2, Arvî 2012, pp. 207-221.

    «Breeding [2] also makes the following observations about the benefits of the search system: the presence of a more visually appealing interface; the grouping of related material; faceted navigation; and the capability for user-generated content (e.g., reviews). Eden [3] also refers to the advantages of user-generated content possible in WCL...»

  12. ↑ 12,0 12,1 (EN) Paula J. Hane, OCLC to Open WorldCat Searching to the World, in sce newsbreaks.infotoday.com, 17 lùggio 2006.
  13. ↑ (EN) Francis Paul Prucha, Handbook for research in American history: a guide to bibliographies and other reference works, 2ª ed., Lincoln, University of Nebraska Press., 1994, pp. 25-27.

    «Online Computer Library Center has developed two new programs. One is called EPIC, a new command-driven full online service with sophisticated searching features, including subject searches, intended for librarians and other experienced users. The other, designed for end-users, is FirstSearch, which contains the database materials found in EPIC or subsets of them but has a menu interface that nonspecialists find easy to use. Both EPIC and FirstSearch make available the full OCLC Online Union Catalog (called WorldCat in FirstSearch), but they also function as online database services, offering their users a wide array of other databases.»

  14. ↑ (EN) Thomas B. Hickey, WorldCat Identities: Another View of the Catalog (PDF), in NextSpace, vol. 6, OCLC, 15 arvî 2007, pp. 18-19.
  15. ↑ (EN) OCLC and Wikipedia Library link citations to millions of library materials, expanding access to quality sources, OCLC, 11 màzzo 2017. URL consultòu o 29 òtôbre 2024.
  16. ↑ (EN) Jake Orlowitz, You can now add automatically generated citations to millions of books on Wikipedia, Wikimedia Foundation, 11 màzzo 2017. URL consultòu o 29 òtôbre 2024.
  17. ↑ (EN, DE, ES, FR, NL, ZH) Data strategy [WorldCat], in sce oclc.org. URL consultòu o 29 òtôbre 2024 (archiviòu da l'url òriginâle o 12 frevâ 2018).
  18. ↑ (EN) Gary Price, OCLC releases more than 150 million WorldCat Entities as the foundation of a linked data infrastructure, in sce InfoDocket, 24 màzzo 2022 (archiviòu da l'url òriginâle o 25 màrso 2023).
  19. ↑ (EN) Find WorldCat Entities to improve resource discoverability through connections, OCLC. URL consultòu o 29 òtôbre 2024.
  20. ↑ (EN) WorldCat Identities, OCLC, 9 màrso 2023 (archiviòu da l'url òriginâle o 25 màrso 2023).
  21. ↑ (EN) Gary Price, OCLC Officially Announces the Launch of a 'Redesigned and Reimagined' WorldCat.org, in sce InfoDocket, 24 agòsto 2022 (archiviòu da l'url òriginâle o 29 agósto 2022).
  22. ↑ (EN) Frequently Asked Questions, in sce WorldCat. URL consultòu o 29 òtôbre 2024.
  23. ↑ (EN) About data sync collections, in sce help-it.oclc.org. URL consultòu o 29 òtôbre 2024.
  24. ↑ (EN) What is WorldCat?, in sce worldcat.org. URL consultòu o 29 òtôbre 2024.
  25. ↑ (EN) Roger C. Schonfeld, What Are the Larger Implications of Ex Libris Buying Innovative?, in sce sr.ithaka.org, 5 dexénbre 2019. URL consultòu o 29 òtôbre 2024.

    «OCLC's WorldShare cloud system has yet to achieve critical mass, amounting to 10% of the academic market (but only 4% of ARL), and OCLC's entire public library business represents just 10% of the public library market.»

  26. ↑ (EN) Marshall Breeding, OCLC Announces WorldCat Discovery Service, in Smart Libraries Newsletter, vol. 34, n. 3, American Library Association, Màrso 2014, pp. 6-7.
  27. ↑ (EN) Connexion - Features, in sce www.oclc.org, OCLC. URL consultòu o 29 òtôbre 2024.
  28. ↑ (EN) Becky Dead, OCLC Authorities migration timeline, in sce listserv.loc.gov, 3 màrso 2005. URL consultòu o 29 òtôbre 2024.
  29. ↑ (EN, DE, ES, FR, NL, ZH) WorldShare Record Manager: Record-at-a-time cataloging service, in sce oclc.org. URL consultòu o 29 òtôbre 2024.
  30. ↑ (EN, DE, ES, FR, NL, ZH) WorldCat Metadata API | OCLC Developer Network, in sce oclc.org. URL consultòu o 29 òtôbre 2024.
  31. ↑ (EN, DE, ES, FR, NL, ZH) OCLC cataloging application comparison, in sce oclc.org. URL consultòu o 29 òtôbre 2024.

Bibliografîa

modìfica

Âtri progètti

modìfica

Ligàmmi de fêua

modìfica
Contròllo de outoritæVIAF (EN) 176058852 · LCCN (EN) no2006000525 · WorldCat Identities (EN) no2006-000525
Estræto da "https://lij.wikipedia.org/w/index.php?title=WorldCat&oldid=252873"