Pölleklup Lötterao

Dit artikel is gesjreve (of begós) in 't Lötteraos. Laes hie wie v'r mit de versjillende saorte Limburgs ómgaon.

De Pölleklup Lötterao is ein klup van vrunj die zich jedere lètste zondig van de maondj treffe in hun sjtamcafé in Lötterao. ’t Belangriekste doel is ’t ongerhouwte van de óngerlinge vrunjsjapsbandj. Väöl aktiviteite zeen daaróm intern gerich: de veurjaorsaktiviteit, ‘t mendjeskäöre op Paosjmaondig, ’t Pöllekamp en dergelike. Toch traejt de klup ouch waal nao boete op: zie organizeert ’t jaorlikse boumzaege en nump es groep deil aan evenemènte, zoa-es ’t burgerkeuningsjete van de sjötterie van Oud-Gelaen en, zoa wiej ’t oetkump, ’t leedjeskónkoer van Gelaen en/of van Zitterd-Gelaen-Bor. ’t Lètsgeneumde kónkoer woort in 2007 gewónne door de Pölleklup mit ’t leedje “Esther”.

Ein pöl is ein kip, mer ouch ein beerpöl. De maonjelijkse vergadering van de Pölle begint mit de äöpeningszin:”Pölle, in vergadering hiej biejein…”, gesjpraoke door de Patron (veurzitter) of zien plaatsvervanger. Allein mansluuj kènne, biej coöptaasje, lid waere van dees klup wovan ’t aantal leje sjtatutair gemaximaliseerd is tot 15. De klup kènt väöle prominente van de Waereldsjtad en Gelaen-Noord ónger de leje.