Pythagoras

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Pythagoras of Pythagore (Aajdgrieks: Πυθαγόρας, Samos, c. 570 v.Chr. – Metaponto, c. 500 v.Chr.) waor eine vaan de presocratische filosofe. Roond 540 v.Chr. emigreerde heer nao Zuid-Italië Croton, boe heer polletiek toegewijd waor en ‘n religieus-filosofische broojersjap stiechde dee get invlood had op ‘t sociaol leve. Weges perbleme mit de stadsbewoeners, verhuisde heer oeteindelik nao Metaponto, boe heer steerf. 't Goof väöl legendes euver zien leve, en zien authentieke religieuze en filosofische opvattinge zien verduus door ‘t werk vaan later Pythagoreaone en Platoniste .

Heer waor bekind es ‘ne filosofische en religieuze hervörmer, mer oonderzeukers benaodrökde soms Pythagoras’ wiskunde en filosofie en soms zien sjamanistiese allure.