Sjeveninge

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Sjeveninge (Nederlandjs: Scheveningen) is 'n badplaats, vissersdörp en stadsdeil van D'n Haag.

De oearsprunkelike kern van Sjeveninge bevindj zich in Sjeveninge-Dörp, meh vanne vreuger beboewing van veure groeate kaalslaag enne dao-opvolgendje nuujboew van 't stadsdeil is neet väöl trögk te vinje. 't Karakteristiekste deil van 't aad dörp vindj me bie en achter de Aaj Kirk. Oearsprunkelike Sjeveningers veule zich nag ech Sjevenings, en neet Haags. Bieje gemèndjelike herindeiling van 2001 is waal verzóch veur D'n Haag, Sjeveningen en Loosduinen es drie apaarte gemèndje los te koppe. Det góng aevel neet door.

't Stadsdeil Sjeveninge besteitj oete buurte Aad-Sjeveninge, Vissershaven, Sjeveninge-Badplaats, Visserijbuurt en Rijslag. Ane naordoeastelike kantj zeen achtereinvolges nag de wieke Belgisch Park en Oostduinen.