Scandium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Scandium is e sjemisch element mit es symboeal Sc en 't atoeamnómmer 21. 't Is e zilverwit euvergangsmetaal.

Ómdet 't vrie lestig is scandium te isolere wuuertj dit metaal weinig toegepas inne industrie, mer is 't 'n essentieel element bie 't perducere van ldc-tillevisies en mobiel tillefoeans. Es scandiumoxied (Sc₂O₃) wuuertj 't sómtieds gebroek veur lampe mit hoeag intensiteit. Anger min-veurkómmendje toepassinge zeen:

• d'n Isotoeap ⁴⁶Sc wuuertj inne aerdaolje-industrie gebroek veur aoljestruim te tracere;
• Scandiumchloried wuuertj toegeveug aan kwikdamplampe veur zónleechechtige verleechting nao te bootse;
• Ómdet scandium e väöl hoger smultjpuntj haet es alleminium wuuertj regelmaesig de toepassing daovan inne ruumdjevaart óngerzóch;
• Allewiel wuuertj scandium ouch toegepas inne fietsjindustrie. Hoeagwaerdige race- en mountainbikefraems waere vervaerdig oet 'n legering van scandium en alleminium. In vergelieking mit normaal alleminium kónne scandiumfraems lichter en soepelder waere gemaak zónger daobie aan sterkdje in te hove levere. Hie-óm is scandium e sterk alternatief veur carbonfiber.