Elbe

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

d'n Elbe (Tsjechisch: Labe) is mit 'n lingdje van 1,164 kilomaeter en e stroumgebied van 144.000 km² ein vanne wichtigste revere van Middel-Europa. De grótste ziejrevere zeen de Moldau enne Saale.

De reveer óntspringk in 't Reuzegebergde in Tsjechië. Door Pardubice en Ústí nad Labem (Aussig anen Elbe) löp de reveer nao 't wèsten en kump Duutsjlandj in te zuudoeaste van Dreesdje. 't Bergechtig gebied toetaan Dreesdje hètj de Saksische Schweiz. Door Dessau en Maagdjebörg löp de reveer in naordwèstelike richting. Vanaaf 't stedje Lauenburg (wo e knaal de reveer mit Lübeck enne Oeaszieë verbindj) is getiejwirking. Wèsteliker ligk nag Hambörg, de grótste stad anen Elbe.

d'n Elbe mundj bie Cuxhaven door 'n estuarium oet inne Naordzieë.

• Moldau (links; Tsjechisch: Vltava)
• Ohre (links)
• Schwarze Elster (rechts)
• Mulde (links)
• Saale (links)
• Havel (rechts)
• Löcknitz (rechts)
• Sude (rechts)

• Hradec Králové (Duutsj: Königgrätz)
• Pardubice
• Ústí nad Labem (Duutsj: Aussig an der Elbe)
• Dreesdje (Duutsj: Dresden; links en rechs)
• Lutherstadt Wittenberg (rechs)
• Dessau (links)
• Maagdjebörg (Duutsj: Magdeburg; links en rechs)
• Hamburg (rechs en links)
• Glückstadt (links; aan 't estuarium)
• Cuxhaven (rechs; aan 't estuarium)