Blauwe vinvès

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Blauwe Vinvès (Balaenoptera musculus (Linnaeus, 1758)) is 'ne groete vertegewoordeger vaan de Walvèsechtege en huurt bij de baardwalvèsse. Heer is mèt 'n lèngde vaan derteg meter en e gewiech van roontelum de 150.000 kilogram 't groetste bies op Eerd, jeh mesjiens 't groetste bies wat oets heet geleef. Ze leve in alle oceane, meh koume 't mieste veur um de Zuidpool. De naom musculus ("gespierd", meh ouch "muiske") is e woordspeul vaan Linnaeus gewees. Ze kinne fonteine vaan nege meter hoeg make en hun longinhaajd bedreug 5000 liter of mie. De tóng vaan de blauwe vinvès is zoe groet wie 'ne olifant.

Sins de jaore negeteg zien de bieste officieel besjermp. Daoveur woorte ze door versjèllende len bejaag, 't lès door Japan en Noorwege. 't Rizzervaot roontelum de Zuidpool zuut me allewijl es ein vaan de groetste successe vaan Greenpeace.