Ciefer

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

E ciefer is 'n einveljig symbool womit e tèlbaar aantaal wuuertj aangegaove. De wèsterse ciefers van 't tieëntalig stèlsel zeen: 0 1 2 3 4 5 6 7 8 9. Dees ciefers waere gemeinelik Arabische ciefers geneump. Ieëre gebroekdje me-n inne wèsterse werreld de Romeinse ciefers, die noe onna bepirkdje toepassing vinje.

Ciefers zeen oearsprunkelik gemèndj veur aantale, kardinaalgetale en rangnómmers of ordinaalgetale waer te gaeve, meh waeren ouch gebroek in nómmers of anger cieferritse, wie tillefoeannómmers, bankraekeningnómmers, pin- en slaotcodes en (deiler van) poscodes.

Döks broek me 't waord ciefer ouch veur "nómmer" of "getaal". Strik gezeen sleit 't waord ciefer feitelik allein op ein inkel symboeal. Zoea besteit 't sjoealciefer 10 oet twieë ciefers.

E getaal kan waere waergegaove mit ein of mieë ciefers. 't Getaal 21 wuuertj zoea waergegaove mitte ciefers 2 en 1.

• Getaal