Lago Baical

Lago Baical (rusce: о́зеро Байка́л, buriat: Байгал нуур, mongol: Байгал нуур, sinifiante "lago de natur" en mongol) es un lago de falion en Rusia, locada en Sibir sude entre Oblast Irkutsk a la norde-ueste e la Republica Buryat a la sude-este. Lo es la lago de agua fresca la plu grande en volum en la mundo, contenininte sirca 22-23% de la agua fresca a la surfas de la mundo. Con 23,615.39 km3 de acua, lo conteni plu acua ca tota la Lagos Grande de America Norde. Con un profundia de 1,642 m, Lago Baical es la lago la plu profunda en la mundo. Lo es notada como un de la lagos la plu clar e la plu vea con entre 25 e 30 milion anios.

Como Lago Tanganyika, Lago Baical ia es formida como un vale de falion antica, con un forma longa e cresente tipal. Lo ave un area de surfas de 31,722 km2, e es la lago sete de area de surfas en la mundo. La lago es la abitada de miles de spesies de plantas e animales, multe de cual esiste a no otra loca en la mundo. La lago ia es declarada un Loca de Erita de Mundo UNESCO en 1996. Lo es ance la abita de la tribus buriad ci abita la lado este de la lago, elevante capras, cameles, boves, e oveas. Esta loca ave temperaturas modal variante de un minima de −19 °C en la inverno a un masima de 14 °C en la estate.

La rejion a la este de Lago Baical es nomida Transbaikalia, e la rejion sirca la lago es a veses simple nomida Baicalia.