Esti
| Republica de Esti Eesti Vabariik | |||
|
| ||
| |||
| Informa jeneral | |||
| Capital: | Tallinn | ||
| Lingua ofisial: | Esti | ||
| Dirije | |||
| Governa: | Republica parlamental | ||
| - Xef de stato: | Presidente Kersti Kaljulaid | ||
| - Xef de governa: | Ministro xef Jüri Ratas | ||
| Otras | |||
| Area: | 45,339 km² | ||
| Popla: | 1.323.824 | ||
| Densia: | 28 | ||
| PIB: | 24 363 milion | ||
| Mone: | Euro | ||
| Zona de ora: | EET (UTC+2) | ||
| Numero de telefon: | +372 | ||
| Interede: | .ee | ||
| |||
Esti, ofisial la Republica de Esti (esti: Eesti Vabariik), es un pais en la rejion baltica de Europa norde.
Lo es bordada a la norde par la Golfo Suomi, a la ueste par la Mar Baltica, a la sude par Latvia, e a la este par Lago Peipus e Rusia. Ultra la Mar Baltica on ave Sveria en la ueste e Suomi en la norde. La teritorio de Esti es composada de un tera xef e 2 222 isolas e isoletas en la Mar Baltica, covrente 45 339 km² de tera e acua, e lo es influeda par un clima continental umida.
Esti es abitada de pos 6500 aec; parlores finougrica (la asendentes lingual de estis moderna) ia ariva no plu tarda ca sirca 1800 aec. Pos sentenios de rena deutx, dansce, svensce e rusce, estis ia esperia un velia nasional cual ia culmina con autonomia de la Impero Rusce, prosima a la fini de la Gera Mundal Prima.
En la Gera Mundal Du, Esti ia es ocupada par la Uni Soviet en 1940, par Deutxland Nazi a un anio plu tarda, e denova par la sovietes en 1944. Pos esta, on ia reconstitui lo como la Republica Sosialiste Soviet Esti. En 1988, en la Revolui Cantante, la Soviet Suprema Esti ia publici la Declara de Autonomia Esti en defia de rena soviet, e autonomia ia es restorada a 20 agosto 1991.
Esti es un republica parlamental democrata, divideda en des-sinco contias. Sua capital e site la plu grande es Tallinn. Con 1,3 milion persones, lo es un de la statos membros la min poplada de la Uni European, la Eurozona, OTAN, la Organiza de Coopera e Developa Economial e la Area Schengen.
Estis etnical es un popla finica, cultural prosima liada con sua visina norde, Suomi. La lingua ofisial, esti, es un lingua finougrica cual es prosima relatada a suomi e la linguas de sami, e plu distante a magiar.
La area es sirca 45 226 cilometres cuadrida.
La cuantia de abitores, en la anio 2019, ia es sirca 1.323.824 persones.