Galaktesche Plang

An der Astronomie ass de galaktesche Plang de Plang deen an der Mëtt vun där Zon läit, déi bei enger ofgeflaachter Galaxie wéi z. B. d'Spiralgalaxien, d'Scheif genannt gëtt, an an där de gréissten Deel vun de Stären ass.

De Plang duerchschneit de Massenzentrum vun der Galaxie.

Am Fall vun eiser Galaxie läit de galakteschen Nordpol an Direktioun vum Stärebild Coma Berenices, nieft dem Stär α Bootis. De galaktesche Südpol läit an Direktioun vum Stärebild Sculptor nieft dem Stär β Ceti am Walfësch.