Franséisch Indochina
Franséisch Indochina (Indochine française) ass deen Deel vun der Regioun Indochina, a Südost-Asien, dee Frankräich am Laf vum 19. Joerhonnert ënner seng Kontroll bruecht hat.
| Franséisch Indochina Union indochinoise/Fédération indochinoise Liên bang Đông Dương សហភាពឥណ្ឌូចិន | |||||
| |||||
 | |||||
| Offiziell Sprooch: | Franséisch, Vietnameesesch, Khmer, Laotesch. | ||||
| Haaptstad: | Hanoi (1902-1953) Saigon (1887-1901) | ||||
| Staatsform: | Federatioun vu Kolonien | ||||
| Fläch: | 737 000 km² | ||||
| Bevëlkerung: | ? | ||||
Franséisch Indochina huet aus follgende Gebidder bestanen:
- Tonkin mat der Haaptstad Hanoi;
- Annam mat der Haaptstad Hué;
- Cochinchine mat der Haaptstad Saigon, haut Ho Chi Minh City;
- Laos mat der Haaptstad Vientiane;
- Kambodja mat der Haaptstad Phnom Penh.
Bis op d'Cochinchine, déi de Statut vun enger Kolonie hat, waren déi véier aner Gebidder sougenannt Protektorater.
D'Presenz vu Frankräich ass 1954 op een Enn gaangen.
No 1954 war de Vietnam laanscht dem 17. Breedegrad an zwee gedeelt: den Nordvietnam, eng kommunistesch Volleksrepublik mat Hanoi als Haaptstad, an de Südvietnam, mat Saigon als Haaptstad, eng pro-westlech autoritär Republik déi geschwë vun de lokale Kommunisten (Vietcong) mat Ënnerstëtzung vum Nordvietnam ënnerwandert gouf, wat d'USA, am Kontext vum Kale Krich, dozou beweegt huet, z'intervenéieren.
Den Tonkin, den Annam an d'Cochinchine bilden zesummen, zanter dem Enn vum Vietnamkrich 1975, d'Volleksrepublik Vietnam.
Déi zwee aner Länner, de Laos an de Kambodja, sinn no 1954 onofhängeg Kinnekräicher gewiescht, déi zäitweileg staark vun den eegenen oder vun de vietnameesesche Kommuniste beaflosst goufen. Am Kambodja huet dat d'Chineesen op de Plang bruecht, déi do gär als Schiermhäre vun de Khmer opgetruede sinn - déi d'Vietnamesen als Ierffeinde betruecht hunn. 1975 gouf am Laos, no engem laange Biergerkrich, eng Volleksrepublik ausgeruff.
Literatur
änneren- Oskar Weggel, Indochina. Vietnam - Kambodscha - Laos; München (Beck), 1990 (= 2. iwwerschafft Oplo); 227 S. mat 8 Illustratiounen a 4 Kaarten. ISBN 3-406-34744-4
- Peter Scholl-Latour, Der Ritt auf dem Drachen. Indochina - von der französischen Kolonialzeit bis heute; München (Heyne), 1988; ISBN 3-453-02489-3
- Ivan Cadeau, La guerre d'Indochine. De l'Indochine française aux adieux à Saigon, 1940-1956; Paräis (Tallandier), 2015.
- Ivan Cadeau, Diên Biên Phu, 13 mars - 7 mai 1954; Paräis (Tallandier), 2013.
- Philippe Franchini, Les guerres d'Indochine; Bd. I: De la conquête française à 1949; Bd. II: De 1949 à la chute de Saigon; Paräis (Tallandier / Texto), 2011.
- Bernard Philippe Groslier, Indochine, carrefour des arts; Paräis (Albin Michel), 1961.