Bieren

D'Bieren oder Groussbieren (Ursidae) sinn eng Mamendéierfamill aus der Uerdnung vun de Raubdéieren (Carnivora).

Bieren
E Bronge Bier
Systematik
Räich: Déiereräich Stamm: Chordata Klass: Mamendéieren Ënnerklass Placentalia Uerdnung: Raubdéieren Iwwerfamill: Hondsdéieren Famill: Bieren
Wëssenschaftlechen Numm
Ursidae Fischer, 1817
Gattungen
Ursus Tremarctos Ailuropoda Melursus Helarctos

Déi meescht Biere sinn Allesfrësser an erniere sech vu Planzen an Déieren. Meeschtens huele si wat se kréien, wéi Planzen, Friichten, Hunneg, Insekten a Fësch. Well si schlecht Oueren an Aen hunn, hëllefe si sech mam Gerochsënn fir hiert Friessen ze fannen.

De Bier ass kräfteg gebaut an huet stämmeg Been. Un all Fouss huet e fënnef schaarf Kralle fir ze gruewen, ze klammen a fir säi Friessen ze zerrappen. Dat kräftegt Gebéck huet onspezialiséiert Zänn fir verschidden Zorte Friesse kënnen ze zerknaen. Biere kënnen zimmlech séier lafen a sech op zwee Been opriichten.