Parodos
In theatro Graeco antiquo tam in tragoediis quam in comoediis parodos (Graece πάροδος fem.,'introitus') est primus cantus a choro cantatus tum cum orchestram intrat[1]. Nam chorus post prologum intrare solebat, quamquam in nonnullis fabulis iam ab initio adest ut in Supplicibus Euripideis et apud Aeschylum in Persis et Supplicibus. Parodos strophis et antistrophis constabat quibus nonnumquam epodia accedebant. Longissima esse poterat ut in Aeschyleo Agamemnone (223 versus), saepe tamen multo brevior erat ut in Euripideo Hercule furente (30 versus). Nonnumquam personae ex scaena alternis cantibus choro in orchestra respondebant (quod genus kommos appellatur)ː ita apud Euripidem in Electra et Oreste et Iphigenia in Tauris. Cantus sequentes stasima vocantur quia chorus locum non mutat sed in orchestra remanet.
Hoc idem verbum et portam theatri qua chorus intrabat designare solebat.
Notae
recensere- ↑ Aristoteles, de Arte poetica 1452bː χορικοῦ δὲ πάροδος μὲν ἡ πρώτη λέξις ὅλη χοροῦ.
Plura legere si cupis
recensere- J. F. Davidson, The Parodos of Sophocles' Ajax", Bulletin of the Institute of Classical Studies, 1975ː 163-177
- "The Parodos of the 'Antigone'ː a poetic study", Bulletin of the Institute of Classical Studies, 1983ː 41-51
- Paul Demont et Anne Lebeau, Introduction au théâtre grec antique, nona editio, Librairie générale française, 2022 Recensio critica Altera recensio criticaTertia recensio critica
- Jean Irigoin, "La parodos des Héraclides d'Euripide" in Mémorial André-Jean Festugière, 1984ː 13-21.
- "La parodos des Perses d'Eschyle" in Studi in onore di Aristide Colonna, 1982ː 173-81
- "Le prologue et la parodos d'Iphigénie à Aulis", Revue des Études Grecques, 1988ː 240-252
- Graham Ley, "Chorus" in Encyclopaedia of Greek tragedy, Wiley, 2012
- Timothy Long, "The Parodos of Aristophanes' "Wasps"", Illinois Classical Studies, 1976ː 15-21
- Bernhard Zimmermann, Untersuchungen zur Form und dramatischen Technik der Aristophanischen Komödien. Band I : Parodos und Amoibaion, A. Hain, 1984 Recensio critica
- C. W. Willink, "The Parodos of Euripides' Helen (164-90)", The Classical Quarterly, 1990ː 77-99