Bavaria Superior

Bavaria Superior^[1] (Theodisce Oberbayern) est provincia et provincia administrativa Bavariae 4 430 706 incolarum in austrooriente sita, in boreooriente ad Bavariam Inferiorem, in septentrionibus ad Palatinatum Superiorem et Franconiam Mediam, in occidente ad Suebiam finitima et Austriae in oriente et meridie adiacens. Caput et maxima urbs provinciae est Monachium.

Geographia politica

Bavaria superior in viginti pagos et tres urbes pago carentes dividitur:

Pagi

Ecclesia S. Bartholomaeo Apostolo dicata ad lacum "Königssee" et in imis radicibus montis "Watzmann" aedificata

"Zugspitze" - summus mons Bavariae et Germaniae altitudinis 2962 metrorum

   Circulus Ariodunensis
   Circulus Astanienis
   Circulus Bad Tölz-Wolfratshausen
   Circulus Berchtesgadener Land
   Circulus Dachanensis
   Circulus Ebersbergensis
   Circulus Frisingensis
   Circulus Germagensis et Parthanensis
   Circulus Lantsbergensis
   Circulus Miesbach
   Circulus Muhldorpiensis ad Aenum
   Circulus Monacensis
   Circulus Neuburg-Schrobenhausen
   Circulus Oetingae Veteris
   Circulus Pfaffenhofen an der Ilm
   Circulus Principum Campi Pontisque
   Circulus Rosenheim
   Circulus Starnberg
   Circulus Trunensis
   Circulus Wilhainensis et Scongensis

Urbes pago carentes

Centrum urbis Monachii ab Horto Anglico visum

Natura terrestris

Provincia in meridie Alpium particeps est. Ex eis varii fluvii multam aquam frigidam versus boreoorientem ad Danubium portant, inter quos Licus, Isara, Aenus. Inter Alpes et Danubium planities iuxta colles minores se extendit. Hic iacent tres lacus maiores: "Ammersee" (47 km²), "Starnberger See"^[2] (56 km²), Lacus Bedaius (79 km²). In radicibus Alpium plures minores et amoeni lacus inveniuntur. In Septentrionibus, id est in latere sinistro, Danubii, provincia in Iuram montem pertinet.

Oeconomia

Incolae huius regionis praeter urbem Hamburgum plurimam pecuniam quaerunt. Maximam partem oeconomiae (62 centesima) hodie servitia formant. 200 000 personarum in rebus periegeticis laborant. Negotii inopia hic paucior est (mense Ianuario 2016 3.8 centesima).

Historia

Anno 1255 ducatus Bavariae in duas partes (superiorem et inferiorem) et postea in quattuor partes divisa est. Anno 1606 dux Albertus quartus terram iterum in unum ducatum unificavit.

Bavaria nova et regalis post aetatem Napoleonicam anno 1816 in congressu Vindobonae (Wiener Kongress) habito constituta primo in quindecim, tum in octo circulos divisa est; quorum unum, circulum Isarensem ("Isarkreis") dico cum capite Monachium, Rex Ludovicus primus anno 1837 "Bavariam superiorem" nominandum curavit.

Bibliographia

Schacherl,L. (2014). ADAC Reiseführer Oberbayern. Monachii, ADAC Verlag

Notae

↑ Seutter, Matthaeus (circa 1730). Bavaria superior et inferior cum quatuor Praefecturis. (Mappa). Augustae Vindelicorum
↑ Nomen "Würmsee" ab anno 1962 obsoletum est.

Nexus externi

Vicimedia Communia plura habent quae ad Bavariam Superiorem spectant.

Vide Bavaria Superior in Victionario.

[1] Seutter, Matthaeus (circa 1730). Bavaria superior et inferior cum quatuor Praefecturis. (Mappa). Augustae Vindelicorum

[2] Nomen "Würmsee" ab anno 1962 obsoletum est.

[1]

[2]