Ieffersonia

Ieffersonia (Anglice Jefferson^[1][2][3]) est caput Missuriae, civitatis Civitatum Foederatarum, et urbs quinta decima a maxima in civitate.^[4] Urbs etiam est sedes Cole Comitatus et principalis Areae Statisticae Metropolitae Urbis Ieffersoniae locus. Plurimae terrae urbanae in Cole Comitatu patent, sed parva regio septentrionalis in Callaway Comitatum extenditur.

Ieffersonia a Thomas Ieffersonio, tertio praeside Civitatum Foederatarum, appellatur. Secundum Rand McNally, societatem technologiae et publicationis, urbs est "Pulcherrimum Americae Oppidum Parvum."^[5]

Ieffersonia in septentrionali Planitiei Ozarkianae margine iacet, in meridiano Fluminis Missuriensis latere in regione quae Media Missuria appellatur. Etiam patet in occidentali Rhenaniae Missuriensis margine, unius e maioribus Civitatum Foederatarum Mediarum Occidentalium regionibus ubi vinum colitur. Capitolium Civicum Missuriense tholatus e rupibus in Fluvium Missuriensem ad septentriones despectentibus eminet; quas rupes Lewis et Clark per eorum expeditionem historicam praetergressi sunt, antequam Europaei coloniam ibi constituerant.

Urbs per ludibrium Jeff tantum appellatur.^[6]

• Logan, A. L., & Co. 1873. Jefferson City, Mo. In Logan's Railway Business Directory from Saint Louis to Galveston. Urbs Sancti Ludovici: A. L. Logan & Co.

Vicimedia Communia plura habent quae ad Ieffersoniam spectant.

• Situs interretialis Urbis Ieffersoniae proprius.
• Bibliotheca Regionalis Fluvii Missuriensis.
• Collectio tabularum. Sanborn Maps of Missouri Collection Universitatis Missouriensis.
• Jefferson City Convention and Visitor's Bureau.
• Media Urbs.
• Old Munichburg.