Cerasus (pomum)

Cerasus (-i, f.) est drupa edulis, fructus nonnullarum specierum generis Pruni, in familia Roseacearum. Praecipue duae sunt species indigenae in hemisphaero boreali, id est in America, Europa, et Asia:

• Prunus avium
• Prunus cerasus

Cerasus est parvum fructum carnosum cum nucleo, forma sphaerica, colore saepe rubro, rubenti vel rubido, rare flavo. Pediculus longus est et appellatur cauda cerasi. In botanica cerasus est drupa.

Athenaeus Naucratita disserit de cerasis in suis Deipnosophistis (2.50b–51b). Larensis, dives Romanus apud quem illi deipnosophistae edunt loquunturque, dicit Lucullum, ducem Romanorum qui Mithridatem atque Tigranem debellavit, cerasum ad Italiam primum transtulisse. Nomen quod Lucullus huic pomo dedit, cerasus, tractum est, ut ait Larensis, ex nomine urbis Κερασοῦντος Ποντικῆς (id est Cerasus provinciae Ponti) e qua arbor in Europam invecta est^[1].

Fontes antiquiores

• 1597 : John Gerard, The Herball, or generall historie of plantes. Londinii: John Norton pp. 1318-1324
• 1629 : John Parkinson, Paradisi in sole Paradisus terrestris (Londinii: Humphrey Lownes) pp. 570-575

Vicimedia Communia plura habent quae ad cerasum spectant (Cherry, Cherries).