Coagulum

Coagulum est quod coagulat lac. Hoc efficit enzymum, nomine chymosinum vel renninum, in abomasis vitulorum subrumorum et in stomachis aliorum mammalium lactentium exstans; lactentium enim oportet lac maternale coagulare ut bene digerent. Necesse est lac coagulare et in confectione casei. In tali opere idem enzymum, e stomachis vitulinis agninisve haedinisve extractum, adhibetur. Sunt et alia coagula caseariis utilia, e plantis, mucoribus, bacteriis derivata vel per combinationem geneticam cellularum vitulinarum et microbiarum e novo creata. Saeculo I Columella rem sic explicat:

Sed lacte fieri debet sincero et quam recentissimo (nam requietum vel aqua mixtum celeriter acorem concipit) et id plerumque cogi agni aut haedi coagulo, quamvis possit et agrestis cardui flore conduci et seminibus gneci nec minus ficulneo lacte, quod emittit arbor, si eius virentem saucies corticem. Verum optimus caseus est, qui exiguum medicaminis habet. Minimum autem coagulum recipit sinum lactis argentei pondus denarii, nec dubium quin fici ramulis glaciatus caseus iucundissime sapiat.
– Columella, De re rustica 7.8.1-2

Coagulorum origo

Ex animalibus
- Vitulus
- Agnus
- Haedus
E plantis^[1]
- Carduus nutans
- Carica papaya
- Carlina corymbosa
- Carthamus tinctorius
- Cynara cardunculus
- Cynara scolymus
- Ficus carica
- Glechoma hederacea
- Pinguicula vulgaris
- Solanum coagulans
- Streblus asper
- Urtica dioica
- Withania coagulans
E mucoribus
- Endothia parasitica
- Rhizomucor miehei
- Rhizomucor pusillus
E modificatione genetica cellularum bacteriarum
- Aspergillus niger
- Escherichia coli
- Kluyveromyces lactis

Notae

↑ Index partim e vicipaediis Anglica, Theodisca et Norvegica congessus. Confer indicem a R. H. Wallace congessum: "Galium verum, Withania coagulans, Ficus carica, Cynara cardunculus, Cynara scolymus, Carduus nutans, Cnicus benedictus, Drosera peltata, Datura Stramonium, Pisum sativum, Lupinus hirsutus, Ricinus hirsutus, Pinguicula vulgaris, Leucas cephalotes, Crotalaria Burhia, Rhazya stricta, Streblus asper." Vegetable Rennet : Abstract : Nature apud www.nature.com

Bibliographia

Thomas E. Furia, CRC Handbook of Food Additives (2a ed. CRC Press, 1980. ISBN 0-8493-0543-8) vol. 2 pp. 99-102 Paginae selectae apud Google Books

Nexus externi

De coagulo (Theodisce)
De historia et usu coagulorum (Anglice)
De historia et chemia coagulorum (Theodisce)
De usu coagulorum vegetarianis idoneorum (Anglice)
De usu coagulorum fungalium (Anglice)
De usu coagulorum bacterialium (Lusitanice)
Libellus C.F.A. chymosini e modificatione genetica confecti (Anglice)
De chymosino e modificatione genetica confecto (Anglice)
De effectione variorum coagulorum (Anglice)
De chymosino naturali et e modificatione genetica confecto (Anglice)

[1] Index partim e vicipaediis Anglica, Theodisca et Norvegica congessus. Confer indicem a R. H. Wallace congessum: "Galium verum, Withania coagulans, Ficus carica, Cynara cardunculus, Cynara scolymus, Carduus nutans, Cnicus benedictus, Drosera peltata, Datura Stramonium, Pisum sativum, Lupinus hirsutus, Ricinus hirsutus, Pinguicula vulgaris, Leucas cephalotes, Crotalaria Burhia, Rhazya stricta, Streblus asper." Vegetable Rennet : Abstract : Nature apud www.nature.com

[1]