Fonem

Fonemow yw unsesow a son (leveryans) a wra decernya ynter unn ger hag unn aral yn yeth arbennek. Y'n brassa rann a rannyethow Sowsnek leverys yw a-dro dhe 24 fonem a gessonennow hag 20 fonem a vogalennow (hys ha hys 44 fonem). Mes Sowsnek a wra devnydh saw a 26 lytheren orth y skrifa. An IPA (Lytherennek Fonetek Kesgwlasek) a yll decernya ynter oll an fonemow, pur dhyffrans dhe'n lytherennek Sowsnek. Displegyans representyansow fonolegel rag geryow ha'ga rannow yw kamm posek orth dyski yeth kowsys.

Fordh dha dhe dhyski fonemow yn yeth yw dhe dhyski koplow ispoyntel. Kopel ispoyntel yw kopel (po bagas) a eryow dyffrans yth yw dyffrans gans unn son yn unnik. Ensampel a goplow ispoyntel yn Kernowek yw an geryow di, fi, ki, li, mi, ni, ri ha ti. Unn lytheren yw dihaval pub tro mes pub ger a styr neppyth dyffrans yn tien. Ensampel aral le mayth hwra an vogalen chanjya yn unnik yw an geryow mar, mer, mir ha mor.

Onan a'n mil erthygel posekka war Wikipedya yw an erthygel ma.