Ferdinand Magellan

Ferdinand Magellan (1480 – 27ves Ebrel 1521), po yn y yeth y honan Fernão de Magalhães, o hwithrer portyngalek. Ev a dheuth ha bos an kynsa den europek dhe wolya an Keynvor Hebask hag an kynsa den dhe wolya a-dro dhe'n bys. Viaj Magellan a brevis bos an Norvys pel.^[1][2]

Ferdinand Magellan
Genys	c. 1480  Ponte da Barca
Mernans	27 Ebrel 1521  Mactan
Kenedhlogeth	Ruvaneth Portyngal, Kurun Castille
Galwesigeth	hwithrer tiryow, marner, morwas
Tas	Rui de Rui de Magalhães
Mamm	Alda de Mesquita
Pries	Beatriz Barbosa
Pewasow	Hembrenkyas Ordyr Santiago, Military Order of Saint James of the Sword, Order of Christ
Eseleth	Ordyr Santiago
Sinans

Genys veu yn 1480. An tyller le may feu ev genys yw rekordys avel po Sabrosa po Porto yn Portyngal. Ev a oberi y'n lys riel. Awos bos y gerens eseli an dus nobyl, Magellan a dheuth ha bos paja an vyghternes wosa aga mernans, deg y vloodh. Y'n lys riel ev a dhyskas lies sleyneth posek, gwruthyl mappys, golyans, ha steronieth y'ga mysk. Yn 1505 ev a junyas an morlu. Pan oberas ev a-barth Portyngal, ev eth dhe lies tyller y'n bys, kepar hag Eynda, an Enesow Maluku, Afrika Est ha Marokk. Pan esa ev yn Marokk yn 1513, shyndys veu hag ev a wre kerdhes remenant y vewnans kloppek. Wosa kelli y soodh rag Myghtern Portyngal, ev eth dhe oberi rag Myghtern Spayn.

Ev o an kynsa den dhe wolya dres Kulvor Magellan, ytho henwys veu war y lergh. Magellan a veu ledhys y'n Filipinys, an 27ves mis Ebrel 1521 yn Maktan dres kas gans an dus teythyek wosa ev dhe vos kablys a ladra.

Myghtern Charles V a Spain a ros pymp gorhel dhodho rag an biaj a-dro dhe'n bys. Ny wrug marnas unn gorhel, an Victoria, kowlwul an viaj.

Yma'n erthygel ma owth usya an Furv Skrifys Savonek a-barth Kernowek kres.

Onan a'n mil erthygel posekka war Wikipedya yw an erthygel ma.