Moïse Katumbi

Moïse Katumbi Chapwe, butukaka na kilumbu ya 28 Desembri 1964 na Kashobwe na Katanga ya zulu, kele muntu ya mumbongo, Muntu ya politiki mpe ntwadisi ya bansaka ya Kongo. Yandi kele ntwadisi ya parti kintuadi samuna Repubilika. Yandi vuandaka Guvernere ya provense ya Katanga kubanda na ngonda ya zole ya mvula 2007 tii na ngonda sambanu ya mvula 2015, kilumbu yina yandi yambulaka guvernere ya Parti du peuple pour la reconstruction et la démocratie (PPRD) ,. Banda 1997, yandi kele ntwadisi ya Tout Puissant Mazembe, ekipi ya football ya Congo, yina me nungaka mbala tanu na Afrika mpe me nungaka na nsaka ya Coupe du Monde ya ba clubs na 2010.

Na mvula 2015, Moïse Katumbi vuandaka "muntu ya zole ya kuluta ngolo na Repubilika Dimokalasi ya Congo na nima ya Joseph Kabila, mfumu ya ntama", na zulunalu ya mposo na mposo ya Angleterre The Economist^[1] mpe ba bokilaka yandi "muntu ya mvula 2015" na kutadila nsosa yina zulunalu Jeune Afrique salaka na batangi na yawu^[2]. Moïse Katumbi kele na kati ya kimvuka ya kimbeni "Le Rassemblement"^[3].

Yandi me ponama bonso candidat na kimfumu na nzila ya bambeni ya G7, kimvuka ya bimvuka 7 ya kimbeni ya politiki ya Congo, na ngonda ya tatu na mai 2016^[4],^[5], mpe na nzila ya kimbeni na nzila ya Alternance pour la République na ngonda na ngonda kumi na mvula 2016^[6],^[7]. Ba vutulaka diaka vote ya prezida, yawu me pesa Joseph Kabila nzila ya kubikala na kiyeka mpe yawu me basisa mavwanga ya nene ya politiki na insi. Moïse Katumbi tinaka na Eropa na nima ya kuzengila yandi nkanu na République Démocratique du Congo (RDC) ^[8], diambu yina yandi tubaka nde yawu vuandaka kuniokula luyalu ya Joseph Kabila sambu na kubuyisa yandi na kuvuanda candidat. Na kilumbu ya 20 mai 2019, yandi vutukaka na République Démocratique du Congo na nima ya bamvula tatu.

Moïse Katumbi kele candidat na vote ya ntuadisi ya ngonda ya kumi na zole ya mvula 2023 kisika yandi kumaka na kisika ya zole ti 18%.

Yandi butamaka na kilumbu ya 28 ya ngonda ya kumi na zole na mvu 1964 na Kashobwe^[9],^[10], mbanza mosi ya kati-kati ya Haut-Katanga, na Ndilu ti Zambie, na kati ya kikanda ya bemba^[11], Moïse Katumbi butukaka na mama mosi ya Kongo ti tata mosi ya Grese, ya Kimvuka ya Bayuda ya Rhodes, Nissim Soriano.  Yandi tinaka na kati ya bamvita zole ya ntoto ya mvimba na kisanga ya Rhodes yina vandaka na nsi ya kiyeka ya Italia ya ba fasciste mpe Yandi kwisaka kuzinga na Katanga^[11], pembeni ya dizanga ya Moero, pene-kati ya ndilu ya Zambie. Nissim Soriano kutomisaka mumbongo ya bambisi ya masa yina mpangi ya Moïse ya mama mosi Raphaël Katebe Katoto (butukaka na mvu 1944) bakaka.^[12] Moïse Katumbi me kwelaka Carine Katumbi^[13] mpe yandi kele tata ya bana tanu: Nissim, Champion, Moses, Ishmael mpe Jonathan Katumbi.

1. ↑ Template:Article
2. ↑ Lua error in Module:Biblio/Commun at line 29: attempt to call local 'abr' (a nil value).
3. ↑ Template:Article
4. ↑ Template:Article
5. ↑ Template:Article
6. ↑ Lua error in Module:Biblio/Commun at line 29: attempt to call local 'abr' (a nil value).
7. ↑ Lua error in Module:Biblio/Commun at line 29: attempt to call local 'abr' (a nil value).
8. ↑ Lua error in Module:Biblio/Commun at line 29: attempt to call local 'abr' (a nil value).
9. ↑ Lua error in Module:Biblio/Commun at line 29: attempt to call local 'abr' (a nil value).
10. ↑ Lua error in Module:Biblio/Commun at line 29: attempt to call local 'abr' (a nil value)..
11. ↑ ^{11.0 11.1} Lua error in Module:Biblio/Commun at line 29: attempt to call local 'abr' (a nil value).
12. ↑ Lua error in Module:Biblio/Commun at line 29: attempt to call local 'abr' (a nil value).
13. ↑ Lua error in Module:Biblio/Commun at line 29: attempt to call local 'abr' (a nil value).