გოცო
| მშობ. სახელი: Għawdex | |
|---|---|
 | |
| გეოგრაფია | |
| მდებარეობა |
 მალტა |
| კოორდინატები | 36°02′42″ ჩ. გ. 14°15′32″ ა. გ. / 36.04500° ჩ. გ. 14.25889° ა. გ. |
| ფართობი | 57 კმ² |
| სიგრძე | 13.34 კმ |
| სიგანე | 7.15 კმ |
| უმაღლესი წერტილი | 195 მ |
| დედაქალაქი | ვიქტორია |
| უდიდესი ქალაქი | ვიქტორია |
| დემოგრაფია | |
| მოსახლეობა | 32,723 (2017) |
| სიმჭიდროვე | 557 /კმ² |
| ეთნიკური ჯგუფები | მალტელები |
  | |
გოცო[1][2] (მალტ. Għawdex, ინგლ. Gozo, იტალ. Gozo, ძვ. ბერძნ. Γαῦδον, ლათ. Gaudus) — კუნძული 67 კმ² ფართობით ხმელთაშუა ზღვაში, რომელიც მალტის არქიპელაგის შემადგენლობაში შედის. მალტის ტერიტორიის შემადგენლობაში სიდიდის მიხედვით მეორე ადგილს იკავებს. კუნძულის მთავარი ქალაქი — ვიქტორია (1887 წლამდე ეწოდებოდა რაბათი).
გეოგრაფია
[რედაქტირება | წყაროს რედაქტირება]გოცო მალტის არქიპელაგზე ფართობის მიხედვით მეორე ადგილს იკავებს (კუნძულ მალტის შემდეგ). ორ კუნძულს შორის მანძილი 6 კილომეტრს შეადგენს.
კუნძული განთქმულია თავისი პეიზაჟებითა და საინტერესო ადგილებით. მათ შორისაა კალიფსოს გამოქვაბული (ჰომეროსის ოდისეაში, კუნძული მოხსენიებულია როგორც ოგიგია) და ჯგანტიას ნეოლითური ტაძრები, მსოფლიოს ერთ-ერთი უძველესი რელიგიური სტრუქტურები, რომლებიც კი ოდესმე ადამიანის ხელს შეუქმნია.[3]
კუნძულისთვის დამახასიათებელი ლანდშაფტია — ქედები ბრტყელი მწვერვალებით. კუნძულზე მდინარეები არ არის, თუმცა შემორჩენილია მხოლოდ ღრმა კალაპოტები. კუნძულზე არის "შიდა ზღვა" — ლაგუნა-ყურე.
კუნძულის სანაპიროებზე ძირითადად ციცაბო კლდეებია. გამონაკლისია რამდენიმე პატარა ქვიშიანი ნაპირი, რომლებიც პლაჟებს ქმნიან.
მოსახლეობა
[რედაქტირება | წყაროს რედაქტირება]2017 წლის მონაცემებით, კუნძულის მოსახლეობა 32,723 ადამიანს შეადგენს, მათგან დაახლოებით 6 000-ზე მეტი ქალაქ ვიქტორიაში ცხოვრობს.
ტრანაპორტი
[რედაქტირება | წყაროს რედაქტირება]კუნძული გოცო კუნძულ მალტას საბორნე გზით უკავშირდება, რომლითაც ხორციელდება მგზავრებისა და ავტომობილების გადაყვანა. გემები მოძრაობენ კუნძულ გოცოს ნავსადგურ მჯარსა, მალტის ნავსადგურებს ჩირკეუვასა (30 წუთი) და სა-მეისონს (1 საათი 15 წუთი) შორის.
ტურიზმი
[რედაქტირება | წყაროს რედაქტირება]კუნძულ გოცოზე არის მრავალი ტურისტული ობიექტი. მთავარი კურორტები — შლენდი, მარსალფორნი, მჯარი.
სანაპოროს გასწვრივ მდებარეობს ტურისტული 50 კილომეტრიანი საფეხმავლო ბილიკი — Gozo Coastal Walk.[4]
ღირსშესანიშნაობები
[რედაქტირება | წყაროს რედაქტირება]კუნძულის ძირითადი ღირსშესანიშნაობებია:
- მეგალითური ტაძარი ჯგანტია ("გიგანტების ადგილი"),
- სანტა-მარიას ტაძარი,
- ციტადელის ფორტი (Citadella),რომელიც ადმირალ შაბრემ ააგო,
- ტა’პინუს ბაზილიკა (Ta’Punu),
- იოანე ნათლისმცემლის ეკლესია შეუკიაში,
- ბუნებრივი ღირსშესანიშნაობები: სანატის კლდეები (Sannat Cliffs), თაღი ზღვაში Wied Il-Mielaħ, ყურე Wied il-Għasri,
- მცირე ზომის მლაშე ტბები (Salt Pans).
კუნძულის ჩრდილოეთით მდებარეობენ რამლას, სან-ბლასის, ჰონდო-ირ-რუმინის ქვიშიანი პლიაჟები.
დუეიტას ყურეშია (Dwejra) გადაღებული სერიალ "სამეფო კარის თამაშების" პირველი სეზონის სერიები.
რესურსები ინტერნეტში
[რედაქტირება | წყაროს რედაქტირება]
გოცო, ტურისტული მეგზური ვიკივოიაჟზე
- Visit Gozo – კუნძულ გოცოს ოფიციალური ტურისტული პორტალი
- Maltese Ministry for Gozo დაარქივებული 2021-03-01 საიტზე Wayback Machine.
სქოლიო
[რედაქტირება | წყაროს რედაქტირება]- ↑ Географический энциклопедический словарь: Географические названия/Гл. ред.В. М. Котляков. — М., Большая Российская энциклопедия, 2003. — ISBN 5-85270-216-1 — С. 458
- ↑ Гоцо — название острова в соответствии с картами Росреестра/Роскартографии:
- {Атлас мира|2010|60—61|Италия, Ватикан, Сан-Марино, Мальта}}
- {Книга:СГНЗС|94}}
- ↑ Pier, Meg. (26 July 2009) A magnificent island for many an odyssey. ციტირების თარიღი: 2 May 2018
- ↑ Гозо – маленький остров с разнообразными достопримечательностями. marinatravelblog.com. ციტირების თარიღი: 2018-12-20.
|
ეს სტატია მალტისა და მალტელების შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |