Hadiwijaya
Sultan Hadiwijaya iku sawijining sultan kang jumeneng ing Kasultanan Pajang, sing mréntah wiwit taun 1549 nganti 1582.[1] Nalika isih timur diwènèhi tetenger Mas Karèbèt ya Sang Jaka Tingkir.[1] Mas Karèbèt iku putrané Ki Kebo Kenanga utawa Ki Ageng Pengging sesepuh ing laladan Pengging. Déné larah-larahé Mas Karebet mau Jaka Tingkir amarga diangkat anak déning Nyai Ageng Tingkir sasuruté ramane Ki Kebo Kenanga.[1]
Kanggo njaga kuwasané ing Pajang, Sultan Hadiwijaya kudu ngadhepi Arya Penangsang adipati Jipang putra saka Sekar Séda Lèpèn sing ora rila yèn tahta diwengku déning Sultan Hadiwijaya sing mung putra mantu saka Sultan Trenggana. Sultan Hadiwijaya banjur nganakaké sayembara, sing sapa bisa ngalahaké Arya Penangsang bakal diparingi bebungah wujud tlatah Pathi lan Mentaok. Wusanané kanthi rékadaya saka Ki Ageng Pemanahan lan Ki Penjawi, Arya Penangsang kasil diprejaya déning Danang Sutawijaya.
Silsilah
[besut | besut sumber]Silsilah Jaka Tingkir manut carita babad ya iku Pangeran Andayaningrat nggarwa Ratu Pembayun (putri Prabu Brawijaya) peputra Ki Kebo Kenanga, sing nggarwa Nyai Ageng Pengging lan nurunake Jaka Tingkir utawa Mas Karebet.[1]
Réferènsi
[besut | besut sumber]- H.J.de Graaf dan T.H. Pigeaud. 2001. Karajan-Karajan Islam Pertama di Jawa. Terj. Jakarta: Pustaka Utama Grafiti
- Purwadi. 2007. Sajarah Raja-Raja Jawa. Yogyakarta: Media Ilmu
Cathetan suku
[besut | besut sumber]- ↑ a b c d Menelusuri jejak-jejak situs kerajaan Mataram Islam Archived 2011-07-20 at the Wayback Machine.(diundhuh tanggal 29 Maret 2011)
| Didhisiki déning: boten wonten |
{{{jabatan}}} 1549-1582 |
Diganti déning: Arya Pangiri |