Rob Lowe

Rob Lowe
Rob Lowe
Upplýsingar
Fæddur	Robert Hepler Lowe 17. mars 1964 (1964-03-17) (60 ára)
Ár virkur	1979 -
Helstu hlutverk
Sam Seaborn í The West Wing Robert McCallister í Brothers & Sisters Chris Traeger í Parks and Recreation Sodapop Curtis í The Outsiders Billy Hicks í St. Elmo´s Fire

Rob Lowe (fæddur Robert Hepler Lowe , 17. mars 1964) er bandarískur leikari sem er þekktastur fyrir hlutverk sín í The West Wing, St. Elmo's Fire, The Outsiders, Brothers & Sisters og Parks and Recreation.

Lowe fæddist í Charlottesville, Virginía en ólst upp í Malibu, Kaliforníu og er af þýskum, írskum,enskum, welskum og skoskum uppruna. Bróðir hans er leikarinn Chad Lowe.

Lowe stundaði nám við Santa Monica High School ásamt leikurunum Emilio Estevez, Charlie Sheen, Sean Penn, Chris Penn og Robert Downey, Jr.

Lowe giftist snyrtifræðingnum Sheryl Berkoff árið 1991 og saman eiga þau tvö börn.

Lowe gaf út ævisögu sína Stories I Only Tell My Friends í maí 2011.^[1]

Árið 1988 þá lenti Lowe í kynlífshneyksli eftir að myndbandi með honum og tveimur stúlkum var lekið. Önnur stúlkan var sextán ára en hin var 22 ára. Myndbandið var tekið upp kvöldið fyrir ráðstefnu demókrata árið 1988 í Atlanta. Lowe tilkynnti að hann vissi ekki að önnur stúlkan hafði verið undir aldri og var það staðfest að þau kynntust á bar.^[2]

Öðrum hluta myndbandsins var einnig lekið en sá sýndi Lowe og vin hans Justin Moritt hafa samfarir við unga konu að nafni Jennifer á hótelherbergi í París. Þessi hluti af myndbandinu var seldur sem kynlífsmyndband. Hafði þetta alvarlegar afleiðingar fyrir feril og ímynd hans.^[3]

Í apríl 2008 hóf Lowe málaferli gagnvart þremur fyrrverandi starfsmönnum sínum vegna brota á samningum og niðrandi ummæla um fjölskyldu hans.^[4] Þann 19. júní 2008 þá var tveimur málsóknunum vikið frá vegna skorts á lagalegum grundvelli.^[5] Málaferlunum lauk í mars 2009 eftir að þeim var vísað frá að ósk lögmanna beggja aðila.^[6]

Lowe var fyrsti karlkyns forsvarsmaður fyrir Lee National Denim Day fjáröflunarsamkomuna árið 2000 en hún aflar fjármagni fyrir rannsóknir á brjóstakrabbameini og kennslu. Bæði amma og langammma hans voru greindar með brjóstakrabbamein og móðir hans lést úr sjúkdómnum árið 2003.

Lowe er stofnandi Homeowner's Defense Fund, sjálfseignarstofnun sem ætlað er að aðstoða skipulagningu landsvæða í Santa Barbara sýslunni og gagnsæis hjá stjórnvöldum.^[7]

Lowe kom fram í leikritinu A Little Hotel on the Side árið 1992.

Fyrsta sjónvarpshlutverk Lowe var árið 1979 í A New Kind of Family þar sem hann lék Tony Flanagan til ársins 1980.

Á árunum 2003 – 2006 lék Lowe aðahlutverkið í þremur þáttum sem lifðu stutt, The Lyon's Den sem John „Jack“ Turner, Beach Girls sem Jack Kilvert og Dr. Vegas sem dr. Billy Grant.

Lowe lék eitt af aðalhlutverkunum í The West Wing sem Sam Seaborn sem hann lék frá 1999 – 2003. Endurtók hann hlutverkið í seinustu þáttunum af sjöundu þáttaröðinni.

Frá 2006 – 2010 lék Lowe í Brothers & Sister sem Robert McCallister eiginmann persónu Calistu Flockhart.

Hann hefur síðan 2010 verið hluti af Parks and Recreation sem Chris Traeger.

Fyrsta kvikmyndahlutverk Lowe var árið 1983 í The Outsider þar sem hann lék Sodapop Curtis. Leikstjóri myndarinnar var Francis Ford Coppola og meðleikarar hans voru Matt Dillon, Tom Cruise, Emilio Estevez, C. Thomas Howell og Patrick Swayze. Lék hann síðan í Oxford Blues, St. Elmo's Fires og Youngblood á árunum 1984 – 1986.

Lowe var þekktur á 9. áratugnum fyrir að vera hluti af Brat Pack hópnum, ásamt Judd Nelson, Mare Winningham, Anthony Michael Hall, Demi Moore, Ally Sheedy, Molly Ringwald, Emilio Estevez og Andrew McCarthy.

Hann hefur síðan þá komið fram í kvikmyndum á borð við Wayne's World, Mulholland Falls, Contact, Under Pressure, Thank You for Smoking og Breakaway.

Lék hann yngri útgáfuna af persónunni Nr. 2 í Austin Powers myndunum.

Kvikmyndir
Ár	Kvikmynd	Hlutverk	Athugasemd
1983	The Outsiders	Sodapop Curtis
1983	Class	Skip
1984	The Hotel New Hampshire	John Berry
1984	Oxford Blues	Nick De Angelo
1985	St. Elmo's Fire	Billy Hicks
1986	Youngblood	Dean Youngblood
1986	About Last Night	Danny Martin
1987	Square Dance	Rory
1988	Masquerade	Tim Whalen
1990	Bad Influence	Alex
1991	The Dark Backward	Dirk Delta
1992	The Finest Hour	Lawrence Hammer
1992	Wayne's World	Benjamin Kane
1995	Frank & Jesse	Jesse James
1995	Tommy Boy	Paul Barish	ónefndur á lista
1996	Fox Hunt	Edison Pettibone
1996	Mulholland Falls	Hodlum	óskráður á lista
1997	Austin Powers: International Man of Mystery	Vinur glæpamanns	ónefndur á lista
1997	Living in Peril	Walter Woods
1997	Contact	Richard Rank
1997	Hostile Intent	Cleary
1998	For Hire	Mitch Lawrence
1999	Dead Silent	Kevin Finney
1999	Austin Powers: The Spy Who Shagged Me	Yngri útgáfan af Nr. 2
2000	Under Pressure	John Spencer
2000	The Specials	The Weevil
2001	Proximity	William Conroy
2002	Austin Powers in Goldmember	Mið Nr. 2
2003	View from the Top	Aðstoðar flugstjórinn Steve Bench
2005	Thank You for Smoking	Jeff Megall
2009	The Invention of Lying	Brad Kessler
2011	I Melt With You	Jonathan
2011	Breakaway	Þjálfarinn Dan Winters
2012	Knife Fight	Paul Turner
2012	Glide	Jack	Í frumvinnslu
Sjónvarp
Ár	Titill	Hlutverk	Athugasemd
1979 – 1980	A New Kind of Family	Tony Flanagan	11 þættir
1980 – 1981	ABC Afterschool Specials	Charles Elderberry/Jeff Bartlett	2 þættir
1981	Mean Jeans	ónefnt hlutverk	Sjónvarpssería
1983	Thursday's Child	Sam Alden	Sjónvarpsmynd
1990	If the Shoe Fits	Francesco Salvitore	Sjónvarpsmynd
1993	Great Performances	Læknirinn Culrowicz	Þáttur: Suddenly, Last Summer
1994	The Stand	Nick Andros	4 þættir
1995	The Larry Sanders Show	Rob Lowe	Þáttur: The Bump
1996	On Dangerous Ground	Sean Dillon	Sjónvarpsmynd
1997	Midnight Man	Sean Dillon	Sjónvarpsmynd
1998	Stories from My Childhood	ónefnt hlutverk	Þáttur: Ivan and His Magic Pony Talaði inn á
1998	Outrage	Tom Casey	Sjónvarpsmynd
1999	Atomic Train	John Seger	Sjónvarpsmynd
1999	Winding Roads	Partýmeðlimur	Sjónvarpsmynd
2001	Jane Doe	David Doe	Sjónvarpsmynd
2002	Framed	Mike Santini	Sjónvarpsmynd
2002	The Christmas Shoes	Robert Layton	Sjónvarpsmynd
2003	The Lyon's Den	John ´Jack´ Turner	13 þættir
2004	Salem's Lot	Ben Mears	Sjónvarpsmynd
2004	Perfect Strangers	Lloyd Rockwell	Sjónvarpsmynd
2005	Beach Girls	Jack Kilvert	6 þættir
2005	The Christmas Blessing	Robert Layton	Sjónvarpsmynd
1999 – 2006	The West Wing	Sam Seaborn	82 þættir
2004 – 2006	Dr. Vegas	Dr. Billy Grant	10 þættir
2006	A Perfect Day	Rob Harlan	Sjónvarpsmynd
2007	Family Guy	Stanford Corday	Þáttur: Road to Rupert Talaði inn á
2007	Stir of Echoes: The Homecoming	Ted Cogan	Sjónvarpsmynd
2007	Brothers & Sisters: Family Album	Robert McCallister	Sjónvarpsmynd
2009	Too Late to Say Goodbye	Bart Corbin	Sjónvarpsmynd
2006 – 2010	Brothers & Sisters	Robert McCallister	78 þættir
2011	Young Justice	Kapteinn Marvel	2 þættir
2012	Drew Peterson: Untouchable	Drew Peterson	Sjónvarpsmynd
2011-2012	Californication	Eddie Nero	4 þættir
2010 – til dags	Parks and Recreation	Chris Traeger	40 þættir
2013	To Appomattox	Ulysses S. Grant	8 þættir Í frumvinnslu

Emmy-verðlaunin

• 2001: Tilnefndur sem besti leikari í dramaseríu fyrir The West Wing.

Golden Globe-verðlaunin

• 2001: Tilnefndur sem besti leikari í dramaseríu fyrir The West Wing.
• 2000: Tilnefndur sem besti leikari í dramaseríu fyrir The West Wing.
• 1988: Tilnefndur sem besti leikari í aukahlutverki fyrir Square Dance.
• 1984: Tilnefndur sem besti leikari í aukahlutverki í seríu, míniseríu eða sjónvarpsmynd fyrir Hallmark Hall of Fame.

Razzie-verðlaunin

• 1986: Verðlaun sem versti leikari í aukahlutverki fyrir St. Elmo's Fire.

Screen Actors Guild-verðlaunin

• 2003: Tilnefndur sem besti leikhópur í dramaseríu fyrir The West Wing.
• 2002: Verðlaun sem besti leikhópur í dramaseríu fyrir The West Wing.
• 2001: Verðlaun sem besti leikhópur í dramaseríu fyrir The West Wing.

TV Guide-verðlaunin

• 2001: Tilnefndur sem besti leikari í aukahlutverki í dramaseríu fyrir The West Wing.

• Fyrirmynd greinarinnar var „Rob Lowe“ á ensku útgáfu Wikipedia. Sótt 30. maí 2012.
• Rob Lowe á IMDb
• Leikhúsferill Rob Lowe á Internet Broadway Database síðunni
• Heimasíða Rob Lowe

• Rob Lowe á IMDb
• Leikhúsferill Rob Lowe á Internet Broadway Database síðunni
• Heimasíða Rob Lowe