Segulmagn

Segulmagn eða seglun er sá eiginleiki sumra efna að mynda segulsvið. Hlutir úr slíku efni kallast seglar.

Segulmagn M hlutar er vigurstærð og á við fjölda segultvískauta m á rúmmálseiningu:

M = N m/V,

þar sem N táknar fjölda segultvískauta í rúmmálseiningunni V. Síseglar hafa fast segulmagn, en sumir hlutir mynda segulmagn þegar á þá verkar ytra segulsvið.

Tengsl eru milli vigra segulsviðsstyrks B og H og segulmagns þannig að

${\displaystyle {\mathbf {B} }=\mu _{0}({\mathbf {H} }+{\mathbf {M} }),}$

þar sem μ₀ er segulsvörunarstuðull lofttæmis.

Vigrarnir M og H eru innbyrðist háðir:

${\displaystyle {\mathbf {M} }=\chi _{m}{\mathbf {H} },}$

þar sem χ er einingarlaus stærð, s.n. segulviðtak og lýsir hvernig hlutur bregst við ytra segulsviði. Segulviðtak getur ýmist verið jákvætt (samseglun), eða neikvætt(mótseglun).

Því má einnig rita:

${\displaystyle {\mathbf {B} }=\mu _{0}(1+{\chi _{m}}){\mathbf {H} },}$

eða

${\displaystyle {\mathbf {B} }=\mu {\mathbf {H} },}$

þar sem ${\displaystyle {\mu }=\mu _{0}({1+{\chi _{m}}})}$ er segulsvörunarstuðull.

• Járnseglun
• Mótseglun
• Samseglun