Joseph Bonaparte

Konungur Napólí Konungur Spánar Bonaparte-ætt
Joseph Bonaparte
Ríkisár	30. mars 1806 – 6. júní 1808 (í Napólí) 6. júní 1808 – 11. desember 1813
Skírnarnafn	Giuseppe de Buonaparte
Fæddur	7. janúar 1768
	Corte, Korsíku
Dáinn	28. júlí 1844 (76 ára)
	Flórens, Toskana
Gröf	Invalides-hvelfingin, París
Konungsfjölskyldan
Faðir	Carlo Buonaparte
Móðir	Letizia Ramolino
Eiginkona	Julie Clary (g. 1794)
Börn	Zénaïde Laetitia Julie Bonaparte, Charlotte Napoléone Bonaparte

Joseph Bonaparte (fæddur undir nafninu Giuseppe Buonaparte; 7. janúar 1768 – 28. júlí 1844) var franskur stjórnmálamaður, ríkiserindreki og aðalsmaður sem var eldri bróðir Napóleons Bónaparte Frakkakeisara. Joseph var meðlimur í öldungaráði fyrsta franska lýðveldisins og sem slíkur hjálpaði hann bróður sínum að fremja valdarán þann 9. nóvember 1799. Að launum varð Joseph valdsmaður í ríkisstjórnum Napóleons, fyrst sem konungur Napólí og Sikileyjar (1806–1808) og síðar sem konungur Spánar (1808–1813) undir nafninu José I.

Eftir að Napóleon féll frá völdum tók Joseph sér titilinn greifi af Survilliers. Hann flúði til Bandaríkjanna, gerðist þar fasteignasali og var tekinn inn í tölu bandaríska heimspekingafélagsins. Hann varð einnig fyrstur manna til að flytja inn hóp franskra ballettdansara til Bandaríkjanna. Hann reyndi árið 1830 að snúa aftur til Frakklands en var meinað landvistarleyfi. Hann settist að í Englandi í nokkur ár en flutti að endingu til Ítalíu og lést þar árið 1844.^[1]

• Fyrirmynd greinarinnar var „Joseph Bonaparte“ á ensku útgáfu Wikipedia. Sótt 20. nóvember 2017.

1. ↑ Hermann Lindqvist (2011). Napóleon. Hið íslenska bókmenntafélag. bls. 603. ISBN 978-9979-66-272-3.