Pedro Lascuráin Paredes

Pedro José Domingo de la Calzada Manuel María Lascuráin Paredes
{{{Originala_nomo}}}
Prezidanto di Mexikia
Guvernisteso:	cirkume 45 minuti, de la 19ma di februaro 1913
Precedanto:	Francisco Ignacio Madero
Sucedanto:	Victoriano Huerta
Personal informi
Naskodato:	8 di mayo 1856
Naskoloko:	México, Mexikia
Mortodato:	21 di julio 1952
Mortoloko:	México, Mexikia
Spozo:	María Flores
Profesiono:	Politikistulo

Pedro José Domingo de la Calzada Manuel María Lascuráin Paredes, politikistulo n. ye la 8 di mayo 1856 til la 21ma di julio 1952, esis prezidanto di Mexikia ye la 18 di februaro 1913 dum aproxime 45 minuti.

Ye la 19ma di februaro 1913, generalo Victoriano Huerta revokis Francisco Ignacio Madero de la povo. Lascuráin esis un ek la politikisti qui konvinkis Madero renuncar la prezidanteso dum ilua enkarcerigo en la Nacionala Palaco, dicinte ke la vivo esis en danjero. Sub la konstituco di 1857, la viceprezidanto, la chef-advokato, e la sekretario pri exteral aferi formacis sucedo-lineo se la prezidanto ne povis guvernar. Huerta ekpulsabis la viceprezidanto José María Pino Suárez e la chef-advokato Adolfo Valles Baca. Por donar a la fakte stato-stroko ul aspekto di "legaleso", Huerta facis Lascuráin, lor la sekretario pri exteral aferi, asumar la prezidanteso e pose nomizar lu kom sekretario pri exteral aferi, esanta la sequanto en la sucedo-lineo. Lascuráin pose renuncus, e Victoriano Huerta asumus la prezidanteso.

To fakte eventis, e Lascuráin divenis prezidanto di Mexikia dum min kam 1 horo. Til nun, la prezidanteso di Lascuráin Paredes esas la maxim kurta de la historio, mem plu kurta kam la prezidanteso di Diosdado Cabello en Venezuela.