Hidrogen

Hidrogen es li chimic element con li simbol H e atomic númere 1. Hidrogen es li max levi element. A standard conditiones, hidrogen es un gas de diatomic molecules havent li formul H₂. It es sin color, odore, o sapore,^[1] e it es intoxic e altmen combustibil.

Hidrogen es li max abundant chimic substantie in li universe, constituente circa 75% de omni normal materie.^{[2] [3]}

Stelles quam li Sole es composit chefmen de hidrogen in li plasmic statu. Li majorité de hidrogen sur Terra existe in moleculari formes quam aqua e organic composites. Por li max comun isotop de hidrogen (simbol ¹H) chascun atom have un proton, un electron, e null neutrones. Deuterium o pesant hidrogen (simbol D o ²H) es li stabil isotop con un neutron. Tritium (simbol T o ³H) have 2 neutrones, ma it es instabil con un demivive de 12,32 annus.

• Tabelle periodic
• Metallic hidrogen

1. ↑ "Hydrogen (in en)."
2. ↑ Boyd, Padi (19 July 2014). "What is the chemical composition of stars?." NASA.
3. ↑ Tamen, li majorité del masse del universe ne es in li forme de baryones o chimic elementes. Vide tenebrosi materie e tenebrosi energie.