Volgogrado
Volgogrado[1] (in russo: Волгогрaд, Volgográd), jam Tsaritsyn (Царицын, Carícyn[2]) de 1589 a 1925, e Stalingrado (Сталингрaд, Stalingrád) de 1925 a 1961, es le urbe le plus vaste e le capital del Provincia de Volgogrado, Russia. Le centro urban sta super le ripa occidental del Volga, inter le fluvios le plus importante del cultura russe. Le urbe coperi un area de 859,4 km² e habe un population de plus quam 1 million habitantes, rendente lo le dece-quinte urbe le plus grande de Russia, le secunde del Districto Federal Meridional, e le quarte al longe del Volga.
Isto es etiam le sito de uno del eventos bellic le plus feroce del Secunde guerra mundial, le Battalia de Stalingrado, que ha lassate le citate totalmente destruite e circa 2 million cadites europee, inter sovietic (1'130'000), german (400'000), romanian (200'000), e italian (114'000) respectivemente.
