Panorama in Interlingua

Panorama in Interlingua
	instantia de: revista[*]
	;
	data de creation: 1988
	sito web official: https://www.interlingua.com/panorama/

Panorama in interlingua es le international magazin de novas publicate per le Union Mundial pro Interlingua. Continente actualitates e curiositates super themas varie in addition al ultime novas del mundo de interlingua, illo es un del primari medios de diffusion de interlingua.

Datos

Lingua: interlingua.
Editor: Union Mundial pro Interlingua.
Redactor: Thomas Breinstrup.
Redaction: Kirkeholmen 10, DK-2630 Taastrup. E-posta: panorama @ interlingua.com.
Appare: 6 editiones per anno.
Paginas: 28 paginas A5 in cata edition.
Contento: informationes international in interlingua pro un publico global: jornalismo, novas, nove libros, novas de interlingua, litteratura, amusante enigmas. Ben illustrate.
ISSN: 0903-2932.
Precio: Abonamento annual: €15. Abonamento duple (3 exemplares) €30. Abonamento triple (5 exemplares): €45.
Administration: Alberto Mardegan, Osmankäämintie 44 C, FIN-01300 Vantaa, Finlandia. E-posta: administration @ interlingua.com.
Fundate: januario 1988

Description

Panorama in Interlingua es le periodico official del Union Mundial pro Interlingua e es assi neutral in questiones politic e religiose. Isto totevia non significa que iste themas non es describite. Panorama es un international magazin de novas in interlingua, cuje scopo es "acclarar, activar e amusar". Panorama in interlingua es un publication bimestral, publicate desde januario 1988. Cata edition contine 28 paginas, totalmente in interlingua, con novas de interlingua, jornalismo, reportages, recensiones de libros, viages, chronica etc.

Panorama in interlingua functiona como le ligamento inter membros del Union Mundial pro Interlingua ma es al mesme tempore un fenestra al mundo exterior demonstrante le uso de interlingua. Al fin, illo es sovente usate in le inseniamento de interlingua e se dirige assi anque a nove interessatos. Panorama in interlingua appareva como le fusion del magazin trimestral Currero (ISSN 0105-8401), editate per le Union Mundial pro Interlingua desde 1964, e le private magazin bimestral Heraldo de Interlingua (ISSN 0108-0598). Le numero ISSN de Panorama es 0903-2932.

Ligamine externe

Panorama in interlingua