New Age
| New Age |
|---|
| instantia de: movimento religiose nove[*], religious syncretism[*], spiritual philosophy[*] |
| subclasse de: religion, social movement[*] |
| parte de: Western esotericism[*], genre[*] |
|
|
|
| Commons: New Age |
New Age[1] [Nyu Edj] "Nove Era" (le termino remane in anglese pro su popularitate international).
Manifestate in le ultime parte del annos 1960 e habente su radices in le Nove Pensamento, New Age es un movimento large e characterisate per accostamentos alternative al cultura occidental traditional. Le movimento de New Age se occupa particularmente con le exploration spiritual, le medicina holistic e le mysticismo. Ben que il de facto non ha frontieras rigide, le termino New Age coperi perspectivas general super le historia, religion, spiritualitate, medicina, modos de viver, e musica.
New Age non es un systema de credentia per se, ma es un aggregato de credentias e de practicas (syncretismo), alicunes del quales proveni de mythos establite e de religiones. Intra le categoria de New Age se trova individuos autodidacte, altere gruppos con establite systemas de credentia resimilante religiones, e ancora altere fixe systemas de credentia, tales como clubs o organisationes fraterne.
Intertanto, alicun personas cuje credentias poterea esser etiquettate como New Age (como neo-paganos) pote pensar que isto es incorrecte proque illo pote ligar les con altere credentias e practicas. Omne categoria large pote parer disproviste de senso o fallace; un significato possibile del termino New Age es: "non un ecclesia christian generalmente acceptate.
Terminologia
[modificar | modificar fonte]Multe adherentes de credentias characterisate como New Age depende multo del uso de metaphoras pro describer le experientias considerate como esser ultra lo empirical. Sia consciemente o non, adherentes de New Age tende a redefinir le vocabulario prestate de varie systemas de credentia, le qual pote causar confusion e augmentar le opposition de scepticos e le religiones traditional. In particular, le adoption de terminos del jargon scientific como energia, campos de energia, e varie terminos prestate del mechanica quantic e del psychologia que esseva alora applicate a conceptos irrelevante al original campos de scientia, ha servite a confunder le dialogo inter le scientia e le spiritualitate, resultante in etiquettas derisive como pseudoscientia e psychobalbutiamento.
Philosophia
[modificar | modificar fonte]In despecto del grande varietate de credentias e practicas intra New Age, certe modos de pensamento es bastante commun:
- Le primatia del experientia subjective. Consistentemente con le radices como un phenomeno contra-cultural e le natura syncretic del movimento, le adherentes de New Age tende a emphasar un accostamento relativistic al veritate, referente sovente al declaration vedic de "un veritate, ma multe vias" que es anque trovate in le dicto spiritual Zen/buddhistic de "multe vias, un monte". Iste credentia non es solmente un assertion del "selection" personal in cosas spiritual, ma anque un assertion que le veritate ipse es "definite" per le individuo e su experientia de illo.
Iste relativismo non es solmente un relativismo spiritual, ma extende anque al theorias physic. Le realitate es considerate de major parte ab un modo experiential e subjective. Multe phenomenos New Age non es expectate a esser repetibile in le senso scientific, proque illos es presumite a esser apparente solmente al mente receptive; per exemplo, le telepathia pote esser inattingibile a un mente sceptic, proque un mente sceptic non es preconditionate a expectar que le phenomeno existe.
- Le rejection del physica scientific. New Age typicamente ha un modo de describer e controlar le mundo externe basate in mysticismo (e non in experimentos e theorias); per exemplo, on pote creder que le lection de cartas Tarot functiona a causa del "principio del interconnexivitate", plus tosto que reguardar le successo (o fallimento) del lection de cartas Tarot como evidentia del principio del interconnexivitate. Le varie theorias vitalistic de sanitate e maladia forni ulterior exemplos.
In contrasto con le methodo scientific, le fallimento de un practica a attinger le resultatos expectate non es considerate como un fallimento del theoria fundamental, ma como un manco de cognoscentia super circumstantias attenuante (obscurate). Iste postura ha causate que alicun scepticos ha declarate que New Age sia primarimente anti-intellectual de natura.
Intra iste contexto de relativismo se trova ancora multe concordantias a proposito del natura del mundo:
- Fortias. Le conviction es commun que il existe certe fortias, independente de esseres o agentias spiritual, e anque distincte de fortias como definite per le scientia (p.ex., gravitation, electromagnetismo, etc.) Iste fortias es elemental de natura; le conviction es que illos opera automaticamente como parte del ordine natural (per exemplo, le fortia que causa que le semines germina, cresce, e flora). Il vale le pena notar que iste perspectiva es incompatibile con le scientia contemporari: le fortias postulate per le physica pretende describer exhaustivemente le comportamento del universo, dunque omne cosa agente secundo un altere fortia deberea infringer le leges del physica.
- Poter. Al "fortias", e a toto altere, es infundite energia per un poter mystic que existe in varie grados in omne cosas. Le poter es transferibile, per contacto physic, perception sensori, o mer proximitate. Le poter pote esser accumulate o deplite in un persona o objecto per un varietate de mechanismos, como fato e practicas esoteric. Le conviction es que iste poter sia physicamente observabile como auras e energia psi; e quando incontrate in grande concentration, que illo pote mesmo esser periculose.
- Energia. In alicun credentias, "fortias" e "poteres" pote parer fusionar se; p.ex. in le concepto de "fortia vital" que existe in multe credentias traditional. Isto se exprime in conceptos New Age como le allegate energias in Tacto therapeutic e Reiki, e ideas de currentes fluente de poter in le Terra, como lineas Ley in Britannia e Europa e energias terran describite in le systema geomantic chinese de feng shui. Le uso in New Age del parola "energia" obviemente non debe esser confundite con le uso scientific.
- Spirito. Omne esseres (particularmente esseres sentiente) es accompaniate per un "energia" specific e intentional que corresponde a lor conscientia, ma es de alicun modo independente de lor existentia corporee. Iste energia es typicamente plus primari que le entitate physic, in le senso que illo retene alicun forma post le morte physic de ille esser.
- Un cosmo coherente e interconnectite. Toto in le cosmo es factualmente o potentialmente interconnectite, como si per filos invisibile, non solmente in le spatio ma anque trans le tempore. In ultra, le conviction es que omne cosa e omne evento que ha evenite, eveni, o evenira lassa un registro detegibile de se ipse in le "programma" cosmic.
- Objectivo cosmic. Il ha typicamente un credentia que omne entitates coopera (voluntari- o involuntarimente) in alicun objectivo cosmic de attinger un coherentia "plus alte" o plus complete con un "conscientia" cosmic (o alicun altere stato-objectivo de "bonitate"), sovente describite como un processo evolutionari. Iste objectivo cosmic fundamental da direction a omne eventos, reducente le concepto de coincidentia a un de ignorantia o de significato obscurate.
In addition, multe practicas e credentias "New Age" pote utilisar de lo que pote esser appellate pensamento magic. Exemplos commun es le principio que objectos post le prime contacto mantene un ligamine practic, o que objectos que ha characteristicas simile exerte un effecto le un al altere.