Ֆիլ Ռադ
| Ֆիլ Ռադ | |
|---|---|
 | |
| Ի ծնե անուն | անգլ.՝ Phillip Hugh Norman Witschke Rudzevecuis |
| Ծնվել է | մայիսի 19, 1954[1] (70 տարեկան) Մելբուռն, Ավստրալիա |
| Երկիր |  Ավստրալիա |
| Ժանրեր | հարդ ռոք |
| Մասնագիտություն | rock drummer |
| Գործիքներ | հարվածային համակարգ |
| Լեյբլ | EMI |
| Անդամակցություն | AC/DC |
| Կայք | philrudd.com |
 Phil Rudd Վիքիպահեստում | |
Ֆիլիպ (Ֆիլ) Հյու Նորման Ռադ (անգլ․ Phillip Hugh Norman Rudd, ի ծնե անունը՝ Ֆիլիպ Հյու Նորման Վիցշկե Ռուդզեվեցյուս անգլ․ Phillip Hugh Norman Witschke Rudzevecuis, մայիսի 19, 1954[1], Մելբուռն, Ավստրալիա), ավստրալիացի հարվածային գործիքներ նվագող։ Հայտնի է դարձել 1975-1983, ապա 1994-2014 թվականները AC/DC ռոք-խմբի հետ աշխատելով։ Ըստ Classic Rock ամսագրի՝ 50 լավագույն թմբկահարների ցանկում զբաղեցնում է 27-րդ տեղը։
Կենսագրություն
[խմբագրել | խմբագրել կոդը]Ծնվել է 1954 թվականի մայիսի 19-ին Մելբուրնում՝ լիտվական ծագում ունեցող ընտանիքում։ Թմբուկ նվագել սկսել է պատանեկան հասակից[2]։
1975 թվականին մտել է AC/DC ռոք-խմբի կազմ։ Երբ 1977 թվականին Մարկ Էվանսը լքում է AC/DC խումբը, Ֆիլը մնում է միակ ավստրալիացին խմբում։
1980 թվականին Բոն Սքոթը մահանում է։ Խումբը նոր վոկալիստ Բրայան Ջոնսոնի հետ ձայնագրում է ամենահաջողակ Back in Black ալբոմը։ Ֆիլ Ռադը ծանր է տանում Սքոթի մահը, բայց շարունակում է նվագել AC/DC-ում, մինչև 1983 թվականին խմբի Flick of the Switch ալբոմը ձայնագրելու պահը։ Չնայած նրան, որ սեսիոն թմբկահար Բի Ջեյ Վիլսոնը կանչվել էր խումբ ձայնագրությունը վերջացնելու համար, Ֆիլը ավարտում է իր պարտիաները և Վիլսոնի պարտիաները չեն օգտագործվում։ Ֆիլի հեռացումը խմբից մասամբ արդյունք էր իր՝ թմրանյութերի հետ ունեցած խնդիրների և Մալքոլմ Յանգի հետ տարաձայնության, որը վերջնական հաշվով դառնում է ֆիզիկական։
Ֆիլին փոխարինել է թմբկահար Սայմոն Ռայթը, որը Մանչեսթերից էր։
AC/DC-ից հեռացված լինելով՝ Ֆիլը տեղափոխվել է Նոր Զելանդիա, որտեղ նա գնել է ուղղաթիռային ընկերություն։ AC/DC-ի երկրպագուները սկսել են պարբերաբար գալ և փորձել գտնել նրա գտնվելու վայրը։ Ինքը՝ Ֆիլը խոսում էր AC/DC-ից հեռանալուց հետո իր կյանքի մասին․ «Ես մեքենա եմ քշել, ուղղաթիռներ եմ վարել, ֆերմեր եմ դարձել և որոշ հացահատիկային մշակաբույսեր եմ պատվաստել։ Ես ապրում էի Նոր Զելանդիայում, որը մեծ, գեղեցիկ և հանգիստ վայր էր»։ Ֆիլը չէր դադարել թմբուկ նվագել։
1991 թվականին The Razor’s Edge շուրջերկրյա շրջագայության ժամանակ Նոր Զելանդիայում AC/DC-ն Ֆիլին առաջարկել է կրկին աշխատել իրենց հետ։ Ռադը որոշում է ընդունել նրանց առաջարկը և 1995 թվականին կրկին միանում է խմբին։
Ֆիլի նվագելու ոճը համարվում է խմբի մյուս անդամների հետ ամենահամատեղելին։ Այդ պատճառով խումբը ուրախ էր նրա վերադարձին։ Քրիս Սլեյդին քաղաքավարի խնդրում են լքել խումբը։ Ընդ որում, պետք է նշել, որ ոչ մի թշնամանք չի եղել Սլեյդի հեռանալու արդյունքում. խումբը շնորհակալություն է հայտնել Սլեյդին իր աշխատանքի և տեխնիկական ունակությունների համար, սակայն հաստատել է, որ 1983 թվականի տարաձայնություններից սկսած՝ AC/DC-ի երաժշտության մեջ որոշակի հնչեցողություն է կորել։
2003 թվականին Ֆիլ Ռադն AC/DC-ի մյուս անդամների հետ միասին ընդգրկվել է ռոք-ն-ռոլի փառքի սրահում։ 2005 թվականին, ըստ Classic Rock ամսագրի, ընդգրկվել է ռոքի 50 լավագույն թմբկահարների ցուցակում։
Ֆիլ Ռադը նվագում է Sonor ֆիրմայի թմբուկներ․ ի պատիվ նրանց 40-ամյա համագործակցության՝ թողարկվել է անվանական փոքր թմբուկ և Phil Rudd Special Edition Drum Set[3]:
2014 թվականի օգոստոսի 29-ին Ֆիլ Ռադը հայտնել էր, որ կթողարկվի իր առաջին սոլո ալբոմը՝ «Head Job» անվանմամբ[4]։
Օրենքի հետ կապված խնդիրներ
[խմբագրել | խմբագրել կոդը]2014 թվականի նոյեմբերի 6-ին Նոր Զելանդիայի իրավապահ մարմինները թմբկահարին մեղադրել են սպանության համար երկու մարդ վարձելու փորձի մեջ, նրան ձերբակալել են[5]։ Նույն օրը AC/DC-ն հայտարարություն է արել. « հրատապ լուրերից մեզ նոր հայտնի դարձավ Ֆիլի ձերբակալության մասին։ Մենք ոչ մի մեկնաբանություն չունենք»։ Ֆիլի բացակայությունը չի ազդի մեր «Rock or Bust» նոր ալբոմի և հաջորդ տարի կայանալիք շրջագայության վրա (այն ժամանակ դեռ պարզ չէր, թե Ռադը կմնա արդյոք խմբի կազմում, և ով կարող էր նրան փոխարինել)։ Ռադի վրայից սպանության համար մարդ վարձելու մեղադրանքը հանվել է հաջորդ օրը, սակայն մնացել են մետամֆետամին, կաննաբիսին պահելու և սպանության սպառնալիքի մեղադրանքները[6]։
2015 թվականի հուլիսին դատապարտվել է 8 ամսվա տնային կալանքի՝ սպանության սպառնալիքի պատճառով[7]։
Ծանոթագրություններ
[խմբագրել | խմբագրել կոդը]- ↑ 1,0 1,1 Discogs — 2000.
- ↑ Phil Rudd | Biography // AllMusic
- ↑ «The Phil Rudd (AC/DC) Special Edition Drum Kit» (անգլերեն). Արխիվացված օրիգինալից 2012 թ․ փետրվարի 13-ին. Վերցված է 2010 թ․ մարտի 14-ին.
- ↑ «Официальный сайт Фила Радда». 18.07.2014.
- ↑ Tony Wall (2014 թ․ նոյեմբերի 6). «AC/DC drummer Phil Rudd on procuring murder charge». Fairfax Media.
- ↑ «AC/DC drummer Phil Rudd: Procuring murder charge dropped». Fairfax Media. 2014 թ․ նոյեմբերի 7.
- ↑ Ударник AC/DC Фил Радд приговорен к домашнему аресту за угрозу убийством // rian.com.ua
 | Վիքիպահեստն ունի նյութեր, որոնք վերաբերում են «Ֆիլ Ռադ» հոդվածին։ |
| ||||||||||||||
