Սքոնլան

Սքոնլան նորվ.՝ Skånland
Դրոշ Զինանշան
Երկիր	Նորվեգիա
Կարգավիճակ	Նորվեգիայի նախկին կոմունա
Մտնում է	Թրոմս
Վարչկենտրոն	Էվենշեր
Հիմնական լեզու	Բուկմոլ
Բնակչություն (2007)	2862
Տարածք	495.02
Հիմնադրված է	1926[1] թ.
Սահմանակցում է	Գրատանգեն, Հյելսուն, Evenes Municipality?, Նարվիկ, Հարսթադ և Իբեսթադ
Ժամային գոտի	UTC+1
ISO 3166-2 կոդ	1913
skanland.kommune.no
Սքոնլան Վիքիպահեստում

Սքոնլան (նորվ.՝ Skånland), կոմունա Նորվեգիայի Թրոմս ֆյուլքեյում։ Կոմունայի վարչական կենտրոնը Էվենշեր բնակավայրն է։ Պաշտոնական լեզուն բուկմոլն է։ Զբաղեցնում է 495.02 կմ² տարածք^[2]։

Կոմունան ստեղծվել է 1926 թվականի հուլիսի 1-ին, երբ Տրոնդենես մեծ կոմունան բաժանվեց երեք մասի։ 1964 թվականի հունվարի 1-ին հարևան Ասթաֆյորդ կոմունան միացվեց Սքոնլանին։ Անվանումը առաջացել է տարածքում գտնվող հին ֆերմայի անունից։

Սքոնլան կոմունայի զինանշանը հաստատվել է 1988 թվականին և իրենից ներկայացնում է դեղին գույնով ներկված վահան, ներքևի մասը սուր, որի վրա պատկերված է սև գույնի հորատիչ։ Վերջինս ընտրությունը պայմանավորված է այն հանգամանքով, որ կոմունայի տարածքում երկար տարիներ արտադրում են հորատիչներ^[2]։

Համաձայն 2007 թվականի մարդահամարի տվյալների՝ Սքոնլան կոմունայում բնակվում է 2862 մարդ։ Կոմունայի բնակչության քանակը վերջին 60 տարում հիմնականում պահպանվել է նույն մակարդակի վրա՝ չհաշված վերջին 15 տարվա փոքր-ինչ նվազումը^[2]։

• Store norske leksikon. (նորվեգերեն)

• Կոմունայի վիճակագրական տվյալները վերցված Նորվեգիայի վիճվարչությունից: Արխիվացված 2011-05-14 Wayback Machine (նորվեգերեն)