• ՄՀԱ՝ [mi]

Դասական ուղղագրութեամբ՝

վանկեր՝ մի 

Բնիկ հնդեվրոպական՝ *smio-՝ *sem- «մի, միասին» արմատից. հմմտ. հունարեն μή (իգ.):

1. (անհոլովելի, ժողովրդական լեզվում հոլովվում է մինի, մինից, մինով) մեկ

1. համանման, միատեսակ ◆ Ամենայն տեղ մահը մի է: (Միքայել Նալբանդյան)
2. միավորված, միաբանված, միասնական ◆ Մի սիրտ ու մի հոգի են դարձել։
3. այնպիսի ◆ Մի՜ խառնաշփոթ, մի՜ աղաղակ… Ո՞նց, Հաբեթ աղան ծե՜ծ ուտի։ (Վահրամ Փափազյան)
4. գործածվում է իբրև անորոշ դերանուն և հոդ՝ ինչ-որ, որևէ նշանակությամբ ◆ Որպես հաղթանդամ մի ծերուկ հսկա, կախված է ժայռից ջրերի վրա։ Հովհաննես Հովհաննիսյան
5. բայի ժխտական ձևերի հետ՝ ոչ մի ◆ Մի բան էլ ա չի ասում։ ◆ Մի բան չի գրում, որ հանգստանա։
6. գործածվում է որպես հորդորական մասնիկ ◆ Մի գնա՝ տես ի՞նչ են ասում։

Բնիկ հնդեվրոպական՝ *mē- ժխտական արմատից. հմմտ. հին հնդկերեն, ավեստերեն mā, հունարեն μία:

1. արգելական բառիկ, որ կազմում է բայի արգելական հրամայականի ձևերը

1. (երժշտ․) եվրոպական երաժշտության մեջ՝ ութնյակի երրորդ ձայնաստիճանը և համապատասխան ձայնանիշը

1. (արևմտհ․) հարցական բառիկ՝ մի՞թե նշանակությամբ

1. մի ակնջով(ը) մտնել, մյուսով դուրս գալ՝ ելնել - լսածին ուշադրություն չդարձնել, լսածն անհետևանք թողնել
2. մի աչք դառնալ - լարվածությամբ նայել
3. մի աչքը հյուսիս, մյուսը՝ հարավ - շեղակն
4. մի աչքով մտիկ անել՝ նայել - բանի տեղ չդնել, արհամարհել
5. մի առ ժամ - որոշ ժամանակ
6. մի առ ժամանակ - որոշ ժամանակ
7. մի բանի երեսը տեսնել - մի բան ունենալ՝ տեսնել, մի բան լինել
8. մի բարձի ծերանալ - միչև ծերություն անդավաճան կյանքով ապրել
9. մի բերան
   1. մեկ անգամ
   2. շարունակ
10. մի գլուխ - շարունակ
11. մի երկու - քիչ
12. մի ըստ միոջէ (հնց․) - նույն է՛ միառմի
13. մի խոսքով - կարճ ասած
14. մի կերպ
    1. որևէ ձևով՝ եղանակով
    2. հազիվհազ
    3. ճարահատյալ
15. մի հանգի (հանի) գալ՝ հասնել - մի շնչում գալ՝ հասնել
16. մի հաշիվ - միևնույն է, մեկ է
17. մի հատ
    1. միակ, մինուճար
    2. եզակի, բացառիկ
18. մի հատիկ
    1. միակ, մինուճար
    2. եզակի, բացառիկ
19. մի մատ մեղր (յուղ) դառնալ, դարձնել - տե՝ս մեղր-ի տակ
20. մի մտքի լինել
    1. միևնույն կարծիքն ունենալ
    2. միևնույն մտադրությունն ունենալ
21. մի ոտքը գերեզմանում - մահը մոտեցած, շատ ծեր կամ հիվանդ
22. մի սանրի կտավ - իրար հար և նման
23. մի տեսակ - ինչ-որ
24. մի քանիսը - ոմանք
25. մինը երկու(ս) լինել - ավելանալ, բազմանալ
26. միով բանիվ (հնց․) - մի խոսքով

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Կ․Ե․ Մելիք-Վրթանեսյան, Մ․ Ա․ Տոնյան, Երաժշտական բացատրական բառարան, Երևան, «Խորհրդային գրող», 1989 — 270 էջ։