Rotterdam

Rotterdam

DEC
Wopon a chorhoj
Zakładne daty
stat	Nižozemska
prowinca	Južna Hollandska
přestrjeń	304,24 km²
wobydlerstwo	664.311 (1. januara 2023)
hustosć zasydlenja	2.183,5 wob./km²
póstowe čisło	3000–3099
předwólba	(+31) 010
webstrona	rotterdam.nl
p • d • w

Rotterdam je po Amsterdamje druhe najwjetše město Nižozemskeje a ma dla swojeho zamórskeho přistawa – najwjetšeho w Europje a třećeho najwjetšeho na swěće – tež wulki hospodarski wuznam za cyłu zapadnu Europu. Rotterdam ma něhdźe 630.000 wobydlerjow w měsće samym a 1,3 miliony w metropolowym rumje. Je wodźace industrijne a wikowanske město Nižozemskeje.

Nadeńdźe so na zapadźe Nižozemskeje w prowincy Južna Hollandska při wuliwje Ryna do Sewjerneho morja a słuša k metropolowemu rumej Randstad. Město leži w Rynowej delće zwjetša pod mórskej hładźinu a je wot nasypow škitane. Najhłubši wobsydleny dypk Nižozemskeje (6 metrow pod m. hł.) nadeńdźe so na měšćanskim teritoriju Rotterdama.

Nimo Amsterdama a Haaga je Rotterdam jedne z kulturnych srjedźišćow Nižozemskeje, sydło uniwersity, wjacorych fachowych wysokošulow, hudźbneje wysokošule a wuměłstwoweje akademije. W lěće 2001 bě hromadźe z portugalskim městom Porto kulturna stolica Europy.

Jedne z tak mjenowanych sotřinych městow Rotterdama su Drježdźany.

• 
  Satelitowy wobraz města a přistawa
• 
  Zničene město w lěće 1940
• 
  Nócny Rotterdam z Erasmusowym mostom
• 
  Moderne měšćanske štwórće

 Commons: Rotterdam – Zběrka wobrazow, widejow a awdiodatajow