Sete noivas para sete irmáns
Sete noivas para sete irmáns (en inglés: Seven Brides for Seven Brothers) é un filme musical estadounidense de 1954 dirixido por Stanley Donen, con música de Saul Chaplin e Gene de Paul, letras de Johnny Mercer e coreografía de Michael Kidd. O guión, de Albert Hackett, Frances Goodrich e Dorothy Kingsley, baséase no relato "The Sobbin' Women", de Stephen Vincent Benét, que está á súa vez inspirado na antiga lenda romana do rapto das sabinas. O filme, ambientado en Oregón en 1850, é coñecido particularmente pola pouco habitual coreografía de Kidd, que creou números de baile a partir de actividades mundanas da fronteira como cortar madeira ou construír un alpendre. A crítica de cinema Stephanie Zacharek denominou a escena do alpendre como "un dos máis impactantes números de baile nunca levados á pantalla".[4]
| Sete noivas para sete irmáns | |
|---|---|
 Póster do filme. | |
| Ficha técnica | |
| Título orixinal | Seven Brides for Seven Brothers |
| Director | Stanley Donen |
| Produtor | Jack Cummings |
| Guión | Albert Hackett Frances Goodrich Dorothy Kingsley |
| Baseado en | The Sobbin' Women, de Stephen Vincent Benét |
| Intérpretes | Howard Keel Jane Powell |
| Música | Gene de Paul Johnny Mercer Adolph Deutsch Saul Chaplin |
| Fotografía | George J. Folsey |
| Montaxe | Ralph E. Winters |
| Estudio | Metro-Goldwyn-Mayer |
| Distribuidora | Loew's, Inc. |
| Estrea | 15 de xullo de 1954[1] |
| Duración | 102 minutos |
| Orixe |  Estados Unidos |
| Orzamento | 2 540 000 dólares[2] |
| Recadación | 9 403 000 dólares[2][3] |
| Na rede | |
| http://www.warnerbros.com/movies/home-entertainment/seven-brides-for-seven-brothers/aafaf375-4570-4b01-9588-49c602bbe9fa.html | |
         | |
O filme gañou o Óscar á mellor banda sonora de musical e foi candidato a outros catro premios, incluído o de mellor filme. En 2006, o American Film Institute considerou Sete noivas para sete irmáns un dos mellores filmes musicais da historia. En 2004, o filme foi incluído para a súa conservación no National Film Registry da Biblioteca do Congreso dos Estados Unidos de América por ser "cultural, histórica ou esteticamente significativo".
Foi estreado en galego pola Televisión de Galicia o 24 de xullo de 1993.[5]
Argumento
editarO máis vello dos sete salvaxes irmáns Pontipee, Adam, decide casar coa guapa Milly e levala á súa cabana xunto cos seus seis irmáns. Entón estes deciden baixar á vila e conseguir unha muller para cada un.
Elenco
editar- Os irmáns e as noivas
- Howard Keel como Adam e Jane Powell como Milly
- Jeff Richards como Benjamin e Julie Newmar como Dorcas
- Matt Mattox como Caleb e Ruta Kilmonis como Ruth
- Marc Platt como Daniel e Norma Doggett como Martha
- Jacques d'Amboise como Ephraim e Virginia Gibson como Liza
- Tommy Rall como Frank e Betty Carr como Sarah
- Russ Tamblyn como Gideon e Nancy Kilgas como Alice
Para interpretar os números de baile e as secuencias de acción o coreógrafo Michael Kidd quería bailaríns que interpretasen os seis irmáns de Adam Pontipee. Non obstante, foi capaz de integrar no elenco dous intérpretes con contrato coa MGM que non eran bailaríns, Jeff Richards, que só interpretou os bailes máis simples, e Russ Tamblyn, que apareceu nos números de bailes explotando o seu talento como ximnaste e acróbata.[6][7] As sete noivas eran bailarinas profesionais.
- Xente do lugar
- Ian Wolfe como Reverend Elcott
- Howard Petrie como Pete Perkins
- Marjorie Wood como Mrs. Bixby
- Russell Simpson como Mr. Bixby
- Earl Barton como Harry
- Dante DiPaolo como Matt
- Kelly Brown como Carl
- Matt Moore como Ruth's Uncle
- Dick Rich como Dorcas' Father
Adaptacións
editar- A serie de televisión de 1968-1970 Here Come the Brides está inspirada polo filme.
- O musicial de 1978 Seven Brides for Seven Brothers é unha adaptación do filme, con libreto de Lawrence Kasha e David Landay. Conserváronse catro cancións do filme ("Bless Your Beautiful Hide", "Wonderful Wonderful Day", "Goin' Courtin'" e "Sobbin' Women") e o resto son composicións novas escritas por Al Kasha e Joel Hirschhorn.
- A serie de televisión Seven Brides for Seven Brothers, vagamente baseada no filme, foi emitida semanalmnente por CBS dende o 19 de setembro de 1982 ao 23 de marzo de 1983.
- O filme de Bollywood de 1982 Satte Pe Satta ("Sete sobre sete") é un remake de Sete noivas para sete irmáns.
Notas
editar- ↑ "Seven Brides for Seven Brothers - Details". AFI Catalog of Feature Films. Consultado o 30 de xullo de 2018.
- ↑ 2,0 2,1 The Eddie Mannix Ledger. Os Ánxeles: Margaret Herrick Library, Center for Motion Picture Study.
- ↑ "All Time Domestic Champs", Variety, 6 de xaneiro de 1960 páx. 34
- ↑ Gold, Sylviane (marzo de 2008). "DEATHS: Michael Kidd (1915-2007)". Dance Magazine 82 (3): 88–89.
- ↑ La Voz de Galicia, 24-7-1993. Páx. 79
- ↑ Gilbert, Tom (3-9 de marzo de 1997). "Kidd embraced by the Academy". Variety. p. 54.
- ↑ Seven Brides for Seven Brothers TCM.com
Véxase tamén
editar| Wikimedia Commons ten máis contidos multimedia na categoría: Sete noivas para sete irmáns |