Necrófago (bioloxía)

Os animais necrófagos teñen un sentido do olfacto moi desenvolvido e o seu corpo está preparado para tragar enormes cantidades de bacterias. Algunhas especies comezan a comer o cadáver cando este alcanzou un certo grao de descomposición.

Son moi importantes ecoloxicamente porque ó comer seres mortos limpan o ambiente de probables infeccións producidas pola materia orgánica morta e descomposta. Ademais, os restos deixados polos animais necrófagos son despois usados polos descompoñedores.

Nos seres humanos, a necrofaxia é un tabú na maioría das sociedades. Porén, houbo moitos casos na historia, especialmente en tempos de guerra, na que a necrofaxia era un método de supervivencia. Comer carne humana, práctica coñecida como antropofaxia ou, máis comunmente, como canibalismo, está extremadamente prohibido en case todas as culturas.

• Exemplos de animais necrófagos son: os voitres, os cóndores, os armadillos e os chacais, ademais de numerosos insectos.
• Moitos dos grandes carnívoros que cazan con regularidade, como as hienas e os leóns, recollen carne morta se teñen a oportunidade.

• Carnívoro.
• Herbívoro.
• Zooloxía.

• O Goonch asiático: Un peixe gato necrófago. Con fotos (en castelán)