Otello (Verdi)

Otello é unha ópera en catro actos con música de Giuseppe Verdi e libreto en italiano de Arrigo Boito, baseado na obra de teatro Othello, the Moor of Venice ("Otelo, o mouro de Venecia"), do dramaturgo inglés William Shakespeare. Foi a penúltima ópera de Verdi, e é considerada por moitos a súa maior traxedia, e é considerada, xunto con Aida (estreada en 1871) e Falstaff (estreada en 1893), como unha das obras mestras do compositor italia. A súa estrea tivo lugar no Teatro alla Scala, de Milán o 5 de febreiro de 1887. A obra ten como escenario a illa de Chipre a finais do século XV.