Kärpät Naiset
O Kärpät Naiset, ou simplemente Kärpät, é un equipo feminino de hóckey sobre xeo da cidade de Oulu (Finlandia). Actualmente compite na Naisten Liiga, a máxima categoría do hóckey sobre xeo feminino finlandés.
| Oulun Kärpät Naiset | |
|---|---|
 | |
| Fundación | 1990 |
| Cidade |  Oulu, Ostrobotnia do Norte Finlandia |
| Estadio | Oulun Energia Areena (6.614 espectadores) |
| Liga | Naisten Liiga |
| Campionatos | 3 (2012, 2017, 2018) |
| Propietario(s) | Oulun Kärpät 46 RY |
| Director | Saija Tarkki |
| Adestrador | Sanna Lankosaari |
| Afiliado(s) | Kärpät Akatemia (Naisten Mestis) |
| Cores | Amarelo, negro e branco |
 | |
| Na rede | |
| https://www.oulunkarpat46.fi/joukkueet/5010 e https://www.karpatnaiset.fi/ | |
    | |
Foi fundado a principios da década de 1990, e na tempada 1994-95 debutou na máxima categoría do hóckey sobre xeo feminino de Finlandia.[1] Con tres campionatos, conquistados nas tempadas 2011-12, 2016-17 e 2017-18, sete medallas de prata e outras sete de bronce, Kärpät é un dos equipos femininos máis exitosos do país.
Historia
editarA práctica do hóckey sobre xeo en categoría feminina en Kärpät comezou na tempada 1990-91, cando anunciou que crearía un equipo de nenas e comezou a procura de xogadoras. Inicialmente o equipo xogou na liga distrital de nenos.[2]
Na tempada 1992-93 participou por primeira vez na liga, xogando no grupo tres da I-divisioona xunto co SoPan, Te-Kin, KaTen, PaKan, EtPon e KeKin. As achegas de Anne Haapalainen (14+5=19), Annakaisa Pahkala (10+8=18) e Sari Räisänen (5+2=7) axudaron ao equipo a finalizar a liga na terceira posición.[3]
Non foi ata a tempada 1994-95 cando o equipo debutou na máxima categoría do hóckey sobre xeo feminino de Finlandia, daquela denominada Naisten SM-sarja. Na súa primeira tempada entre os mellores equipos do país nórdico salientaron Katja Riipi, Sanna Lankosaari e Niina Siren.[3]
Estadio
editar- Artigo principal: Oulun jäähalli.
As Kärpät, como o equipo masculino do club, xogan os seus partidos como locais no Oulun Energia Areena, situado no Centro Deportivo de Raksila, no distrito homónimo da cidade de Oulu. O estadio foi construído en 1975, aínda que experimentou varias reformas nos anos 1988, 1994 e 2004.[4][5] O Oulun Energia Areena ten capacidade para 6 050 persoas, das cales 4 301 localidades son sentadas, 1 749 localidades son de pé e outras como zonas para persoas discapacitadas, e conta con 12 palcos.[6][4] En 2006, o principal arrendatario da sala, o equipo masculino dos Kärpät, nomeou o estadio "Oulun Energia Areena". O cambio de nome foi posible grazas a unha resolución da cidade en 2003, pola cal os principais arrendatarios da sala podían vender o nome do local.[7]
Personalidades
editarXogadoras
editarCadro actual
editarActualizado a 14 de febreiro de 2024.[8]
Números retirados
editarO 23 de novembro de 2024 Saija Tarkki converteuse na primeira muller en ser retirado o seu número das Kärpät Naiset, recoñecendo deste xeito os máis de 20 anos de carreira da xogadora nada en Oulu, cuxo número 20 pasou a pendurar do teito do Oulun Energia Areena. Con motivo da retirada do seu número, o club de Oulu organizou unha xornada de homenaxe á xogadora que comezou xa pola mañá coa cerimonia de retirada, á cal seguiu o partido da Auroraliiga ente as Kärpät e o Ilves, e pechouse co enfrontamento da liga masculina entre o equipo local e o HPK.[9][10]
| Nº | Xogador | Posición | Carreira | Referencias |
|---|---|---|---|---|
| 20 | Saija Tarkki | F | 1997-2010 2011-2019 |
[11] |
Palmarés
editarTrofeos colectivos
editar- A Aurora Borealis Malja (Copa Aurora Boreal) é entregada anualmente ao equipo vencedor dos play-offs e campión da Naisten Liiga. É o trofeo principal da competición. Kärpät Naiset gañou un total de tres veces o trofeo: 2012, 2017 e 2018.[12]
- Bronce: 2013[13]
Notas
editar- ↑ As posicións aparecen coas súas abreviaturas en inglés:
*G: Goalie (porteiro)
*C: Center (central)
*W: Winger (Aleiro -dereito sinalado con "R" e esquerdo sinalado con "L"-)
*D: Defenceman (defensa). - ↑ As abreviaturas "S" e "G" fan referencia á man que o xogador emprega para golpear o puck (en galego, disco) co stick (S) (en galego, pau de hockey) ou a que empregan os porteiros para collelo coa garda (G).
- Referencias
- ↑ "Historia" (en finés). oulunkarpat46.fi. Consultado o 23 de setembro de 2020.
- ↑ "HISTORIA" (en finés). Kärpät Naiset. Consultado o 9 de xullo de 2022.
- ↑ 3,0 3,1 "Kärpät" (en finés). Leijonat.fi. 6 de febreiro de 2023. Consultado o 9 de xuño de 2023.
- ↑ 4,0 4,1 "Oulun jäähalli" (en finés). Cidade de Oulu. Consultado o 5 de marzo de 2024.
- ↑ "OULUN KÄRPÄT" (en finés). junnut.com. Arquivado dende o orixinal o 17 de decembro de 2004. Consultado o 5 de marzo de 2024.
- ↑ "Oulun Energia Areena" (en finés). karpat.fi. Consultado o 5 de marzo de 2024.
- ↑ Kaleva 13 de setembro de 2006, p. 5 (en finés)
- ↑ "KOKOONPANO Kärpät" (en finés). Leijonat.fi. Consultado o 14 de febreiro de 2024.
- ↑ "#20 Saijan päivä!" (en finés). Kärpät Naiset. Consultado o 29 de novembro de 2024. Texto "25 de outubro de 2024 " ignorado (Axuda)
- ↑ Seppä, Lassi (23 de novembro de 2024). "OULULAISTA HISTORIAA TEKEVÄ SAIJA TARKKI KASVOI KÄRPPÄURANSA AIKANA TEINITYTÖSTÄ PERHEENÄIDIKSI". Jatkoaika.com (en finés). Consultado o 29 de novembro de 2024.
- ↑ "Saija Tarkki" (en inglés). eliteprospects.com. Consultado o 29 de novembro de 2024.
- ↑ 12,0 12,1 12,2 "Eniten mitaleita Naisten Liigassa" (en finés). Leijonat.fi. Consultado o 5 de marzo de 2024.
- ↑ Mujunen, Johanna (25 de febreiro de 2013). "Kärppien Helin: "Haastoimme hyvin Euroopan parhaan naisjoukkueen"" (en finés). Leijonat.fi. Consultado o 5 de marzo de 2024.
Véxase tamén
editarOutros artigos
editarLigazóns externas
editar- Sitio web oficial (en finés)