Zubiri, Navarra

Zubiri, Navarra

Localización
42°55′49″N 1°30′16″O / 42.930277777778, -1.5044444444444
Estado	España
Comunidade foral	Navarra
Concello	Esteribar
Poboación
Poboación	466 (2020) (0,92 hab./km²)
Xeografía
Superficie	508 km²
Altitude	526 m
Identificador descritivo
Código postal	31630

Zubiri é unha localidade do val e municipio de Esteribar en Navarra, dentro da comarca de Auñamendi e a Meiriñado de Sangüesa. A localidade atópase a 20 km de Pamplona e en 2013 tiña 439 habitantes^[1] É a capital administrativa do val, onde se sitúa o seu concello e ademais o centro industrial do mesmo. Na localidade atópase a planta de Magnesitas Navarras, S.A. (MAGNA), unha empresa de transformación de magnesita.^[2]

O nome de Zubiri significa "Vila da Ponte", do éuscaro (Zubi: ponte e iri: vila).

A localidade atópase en centro do val de Esteribar baixo o monte Murelu (650 msnm.), a 526 msnm. de altitude, na beira dereita do río Arga e a 20 km da capital Navarra, Pamplona.

Evolución da poboación da localidade nos últimos anos.

Durante a Idade Media houbo na localidade un mosteiro beneditino, o cal dependeu de Leyre por unha doazón efectuada polo rei García o de Nájera en 1040.

A localidade está constituída como un concello pertencente ao municipio de Esteribar. O concello está formado por unha xunta de catro vocais e un presidente do concello.

Na localidade tamén se atopa a sede do Concello do val de Esteribar.

O Camiño de Santiago seguindo a ruta do camiño francés pasa por Zubiri na súa segunda etapa partindo de Roncesvalles e é o punto de saída da terceira etapa.

O Camiño accede a Zubiri pola ponte medieval sobre o río Arga, Ponte da rabia, así chamado pola crenza de que se se obriga a un animal rabioso a dar unha volta completa ó redor do piar central, cura da enfermidade. Zubiri, en éuscaro, significa precisamente pobo da ponte.

• Ponte da Rabia: Situado sobre o río Arga, é unha ponte lendaria de estilo románico do século XII. Segundo unha lenda que, ao pasar baixo os seus arcos, os animais afectados dunha enfermidade quedaban milagrosamente curados.
• Fonte da auga de batueco: Segundo unha lenda popular as súas augas teñen propiedades curativas.
• Albergue de Peregrinos

• Igrexa de San Esteban Protomartir: É un templo de nova construción, O edificio orixinal foi destruída durante as Guerras Carlistas.

• Esteribar
• Navarra
• Camiño francés

• Datos de Zubiri - Goberno de Navarra: Información e datos de entidades locales de Navarra.
• Datos de Zubiri - Federación Navarra de Municipios e Concejos.