Wikipedia:Módulos

O espazo de nomes Módulo contén o código fonte das páxinas que utilizan a linguaxe de programación Lua, que pode empregarse na Galipedia a través da Extensión Mediawiki Scribunto. O código Lua pode usarse en modelos wiki empregando a funcionalidade "{{#invoke:}}" desta extensión Scribunto.

Os módulos executanse noutras páxinas da Wikipedia usando a función #invoke. A sintaxe de #invoke é semellante á sintaxe dos modelos, pero con algunhas diferenzas. A máis inportante destas diferenzas é que se necesita especificar o nome da función. Unha función é un conxunto de instrucións que toma unha serie de valores de entrada, procésaos, e devolve un valor de saída.

Non se pode executar un módulo Lua directamente, só se pode empregar unha das funcións do módulo. O módulo é so un contedor para as funcións, e non fai nada por si mesmo.

A forma máis sinxela de usar un módulo dende outra páxina da wiki é:

{{#invoke:nome do módulo|nome da función}}

Os argumentos pásanse aos módulos da mesma forma que se fai para os modelos. Porén, nas chamadas módulos o primeiro valor que segue á primeira barra vertical (|) sempre é o nome da función que se está a chamar. O primeiro argumento posicional sempre se coloca tras a segunda barra vertical.

{{#invoke:nome do módulo|nome da función|primeiro argumento|segundo argumento|argumento con nome = valor}}

Os módulos deben ter unha páxina de documentación que explique que argumentos se poden empregar e os efectos que terá cada un deles.

Lua só pode recibir entradas de valores en forma de cadeas de texto nas chamadas {{#invoke:}} e nos valores retornados por mw.title.new(...):getContent() e frame:expandTemplate(). As saídas devoltas por Lua non serán pre-procesadas agás que se faga unha chamada explícita á frame:preprocess().

O código Lua en Scribunto só se executa cando a páxina é recalculada. Polo tanto, a única forma de entrada de valores que pode recibir é mediante a edición de páxina, non é interactiva.

As entradas que pode recibir Lua son polo tanto calquera das páxinas da Wikipedia que se poden transcluír noutras. Isto non inclúe páxinas de ficheiros, a lista das páxinas incluídas nunha categoría, ou o contido das páxinas especiais.

As ligazóns wiki do tipo [[Wikipedia:Axuda|]] non funcionarán se se indican coma unha saída do módulo. Deben escribirse de forma explícita coma [[Wikipedia:Axuda|Axuda]]. Outras transformacións, coma substituír ~~~~ cunha sinatura, non serán procesadas correctamente.

Por favor, inserta o código {{ModeloLua|Módulo:Nome1|Módulo:Nome2|...}} na sub-páxina de documentación dos modelos que usan módulos Lua.

• Axuda:Lua
• Wikipedia:Guía de estilo de Lua
• Scribunto/Lua referencia manual en Mediawiki (en inglés)
• Todas as páxinas con prefixo Módulo: