Pola Negri

Pola Negri

Biografía
Nacemento	(pl) Apolonia Chalupec 3 de xaneiro de 1897 Lipno, Polonia (pt)
Morte	1 de agosto de 1987 (90 anos) San Antonio, Estados Unidos de América
Causa da morte	cancro de cerebro pneumonía
Lugar de sepultura	Calvary Cemetery (pt)
Actividade
Campo de traballo	Actuación
Ocupación	actriz, actriz de teatro, escritora, cantante, actriz de cinema
Período de actividade	1914 - 1944
Partido político	Partido Republicano
Instrumento	Voz
Familia
Cónxuxe	Serge Mdivani
Premios
Premios do Cinema alemán  estrela no Paseo da Fama de Hollywood
Descrito pola fonte	Obálky knih,
Sitio web	polanegri.com

Barbara Apolonia Chałupec,^[1] nada en Lipno (Polonia) o 3 de xaneiro de 1897 e finada en San Antonio o 1 de agosto de 1987, foi unha actriz polaca de ascendencia eslovaca, coñecida artisticamente baixo o pseudónimo de Pola Negri, unha das grandes divas do cine mudo. Nacionalizouse estadounidense en 1951.

Negri asinou coa Paramount en 1922, convértendoa no primeiro intérprete europeo da historia que foi contratada en Hollywood.^[2]

O seu pai Jerzy Mathias Chalupiec, de orixe eslovaca, foi detido polo exército ruso por actitudes antitsaristas e enviado a Siberia, o que fixo que a familia Chalupiec (Barbara e a súa nai Eleonora) pasase por momentos difíciles economicamente, vivindo nun suburbio de Varsovia.

Con todo, Negri foi admitida no Ballet Imperial,^[3] para o que traballou ata que por mor da tuberculose (segundo outras fontes, unha lesión), tivo que abandonar a compañía; así, Negri centrou a súa atención no teatro, e estudou interpretación na Escola de Arte Dramática de Varsovia.

Aínda en Polonia, Negri (rebautizada así pola poeta italiana Ada Negri^[4]) chegou a actuar en filmes como Żona, Bestia ou Studenci. Pouco despois viaxou a Berlín, onde traballou na compañía de teatro de Max Reinhardt e máis tarde con Ernst Lubitsch.

O filme deste último, Die Augen der Mumie, foi un éxito que fixo que Negri conseguise unha oportunidade en Hollywood.

Algúns dos seus filmes de Hollywood máis recoñecidos son Forbidden Paradise, dirixido polo tamén exiliado Lubitsch, The Spanish Dancer ou Shadows of Paris. En 1927 rodou ás ordes de Mauritz Stiller Hotel Imperial e The Woman on Trial.

Nesta época, Negri deu moito que falar non só polo seu romance co cómico británico Charles Chaplin senón, sobre todo, polos seus supostos plans de voda con Rodolfo Valentino, que Negri se encargou de airear á prensa trala morte del. Mesmo durante o funeral de Valentino, Negri seguiu o féretro dende Os Anxeles a Nova York, posando para a prensa coma se fose a súa viúva. Moitos actores, como Tallulah Bankhead, Mary Pickford ou Alberto Valentino, irmán de Rodolfo, criticaron isto e acusárona de mentir á prensa.

Coa chegada do cinema sonoro, a súa popularidade da década de 1920 esvaeceu por completo debido ao seu forte acento polaco e a súa dificultade para falar inglés. Regresou a Alemaña, e traballou para os estudos UFA, controlados por entón por Goebbels. Protagonizou, en 1935, o filme Mazurka, de Willi Forst. Con todo, polas súas supostas raíces xudías, emigrou outra vez aos Estados Unidos na década de 1940 e nacionalizouse estadounidense.

Os últimos anos da súa vida son un misterio, polo que adoita ser comparada coa personaxe de Norma Desmond que interpretou Gloria Swanson en Sunset Boulevard. Negri foi, de feito, a principal candidata de Billy Wilder para o papel,^[5] mais rexeitouno, considerándoo unha ofensa.

Morreu dun tumor cerebral (ou pneumonía) en 1987, aos 90 anos, e legou case todos os seus bens á St. Mary’s University. Está enterrada no cemiterio de Calvary, nos Estados Unidos.

Ten unha estrela no 6933 do Paseo da Fama de Hollywood.

Wikimedia Commons ten máis contidos multimedia na categoría:  Pola Negri

• Beinhorn, Courtenay Wyche (xaneiro de 1975). The Film Career of Pola Negri, 1914–1964. Austin, Texas: University of Texas at Austin. 
• Bock, Hans-Michael (2009). The Concise Cinegraph: Encyclopedia of German Cinema. Nova York: Berghahn Books. ISBN 978-1-571-81655-9. 
• Chaplin, Charles (1964). My Autobiography. Nova York: Simon and Schuster. ISBN 978-0-370-00239-2. 
• Delgado, Sergi (2016). Pola Negri: Temptress of Silent Hollywood. Jefferson, Carolina do Norte: McFarland. ISBN 978-1-476-62435-8. 
• Edmonds, I.G.; Mimura, Reiko (1980). Paramount Pictures and the People Who Made Them. San Diego: A.S. Barnes and Co., Inc. 
• Haltof, Marek (2002). Polish National Cinema. Nova York: Berghahn Books. ISBN 978-1-782-38469-4. 
• Kotowski, Mariusz (2014). Pola Negri: Hollywood's First Femme Fatale. Lexington, Kentucky: University Press of Kentucky. ISBN 978-0-813-14489-4. 
• Kreimeier, Klaus (1999). The UFA Story: A Story of Germany's Greatest Film Company 1918–1945. Os Ánxeles: University of California Press. ISBN 978-0-520-22069-0. 
• Lanza, Joseph; Penna, Dennis (2002). Russ Columbo and the Crooner Mystique. Port Townsend, Washington: Feral House. ISBN 978-0-922-91580-4. 
• Negri, Pola (1970). Memoirs of a Star. New York: Doubleday. ASIN B0006C0782. 

• The Pola Negri Appreciation Site Arquivado 18 de decembro de 2011 en Wayback Machine., polanegri.com; consultado o 17 de maio de 2014.
• Polanegri.pl – Pola Negri Film Festival website; consultado o 17 de maio de 2014. (en polaco)
• Tobacco cards, film.virtual-history.com; consultado o 17 de maio de 2014.
• Pola Negri profile, Culture.pl; consultado o 25 de novembro de 2014. (en polaco)